Litt om mangt -mest om hobby

Rask visitt i Oslo

2012-01-21T22:00:00.000+01:00

Eg har vore ein rask tur til Oslo sist veke. Flaks å bli beden om å reise på konferanse i Tigerstaden, så eg kan kombinere med besøk:)

Eg overnatta hos ei venninne frå gamle dagar, det var skikkelig stas å få tyte nokre timar! Og så besøkte eg Musikanten i kollektivet hans før eg reiste heim om kvelden. Det var imponerende å sjå og smake kva den eine karen i kollektivet laga til middag. Nydelig godt, rett og slett! Store mengder grønsaker, scampi, svinekjøt, saus og krydder, til saman ein fantastisk wok-rett. Eg kunne gjerne hatt denne herren buande her i ei veke eller to:)
Det er ikkje kvar dag det er fint ver her på Sunnmøre, så eg må syte for å dokumentere at det skjer av og til...

Regnbogekjole

2012-01-21T13:26:00.000+01:00

Minstemor er veldig glad i regnbogen. Så då vart eg inspirert til å strikke ein kjole/tunika i regnbogefargar. Fargane er sterke og klare, og står i stil til kvarandre, syns eg, men dei kunne nok ha vore sartare for å gje eit meir "luftig" inntrykk.
Garnet er Rauma Finull, der er det visst over 100 ulike fargar tilgjengeleg. Imponerende!

Oppskrift? Neida;)

Lykke er to kaniner i nytt bur:)

2012-01-20T23:06:00.003+01:00

Endeleg har Trampe og Line fått flytte inn i nytt bur! Det har teke litt tid å få det ferdig, men det vart jammen bra også. Buret er høgt under taket, og eg ser at dei hoppar og sprett der inne... Dei har hems med "trapp" opp, og litt meir plass til å leike seg, ete og kose.

Pappa har teke seg av snikringa, men han har hatt god hjelp frå to ivrige jenter. Dei har vore der mykje, særleg minstemor! Og då buret skulle malast, var borna i full aktivitet.

Så får vi tru at kaninene set pris på kvarandre også når dei skal dele bur heile tida.... Vi har sett at dei likar å vere ilag, og eg trur at når buret er nytt, vil det vere lett for dei å dele plassen. Det hadde vore langt verre å sette ei kanin inn i ei anna kanin sitt domene.

Berre for å ha oppsummeringa...

2012-01-15T16:15:00.001+01:00

Av og til er det greitt å vite kor mykje garn som gjekk til eit eller anna plagg/prosjekt. Sidan eg har laga liste for 2011, kan eg like godt lagre den her... No må eg ha plass i sidefeltet til årets produksjon:)
Januar:
Vottar i Noro Kureyon: 70 gram
Lue i pt5 og KidSilk: 65 gram
Vest i Eskimo: 180 gram

Februar:
Lue i Sterk: 80 gram
Jakke i Sisu/Kitten Mohair: 570 gram
Lue i Sterk: 70 gram

Mars:
Tunika i Sisu: 230 gram
Sokkar i miniraggi/Frøya: 90 gram
Vottar i Incawool: 80 gram
Tøfler i Incawool: 80 gram
Gryteunderlag i Incawool: 40 gram
Dokkesovepose i restar: 70 gram

April:
Baktus-skjerf i Delight: 100 gram
Lue i Nepal: 90 gram
Gensar i Angora-Tweed: 175 gram
Teppe i restegarn: 390 gram

Mai:
Teppe nr 2 i restar: 390 gram
Sjal i Kidsilk mm.: 60 gram

Juni:
Topp i Cotton Light: 350 gram
Sokkar i Sportsragg: 85 gram
Dokkekjole i Sportsragg: 15 gram
Såpekopp-klutar: 10 gram
4 prematur-luer: 65 gram

Juli:
Prematurbabyteppe: 100 gram
Prematurlue og sokkar: 25 gram
Topp i Angora-Tweed: 155 gram

August:
Tunika i Mitu: 520 gram
Leggvarmarar: 45 gram

September:
Tunika i tyrkisk ull: 265 gram
Panneband og lue i Mitu: 60 gram
Babyjakke i Kashmir Alpakka: 190 gram
Raggsokkar: 90 gram
Twisted Rib Neckwarmer: 110 gram

Oktober:
Lue (Foliage): 85 gram
Hals i Misti: 145 gram
Panneband i Sterk: 60 gram
Hekla lue i Sterk: 40 gram
Krage i Sulka: 100 gram
Krage i merino: 65 gram
Lue i merino: 50 gram
Kjole i Sterk +effektgarn: 215 gram

November/desember:
Lue i Kashmir Alpakka: 55 gram
Sjal i Faerytale: 85 gram
To luer i Alfa: 180 gram
Lue i Easy: 100 gram
Islendar i Mitu: 590 gram

2011 sum: 7695 gram

Hagegjest

2012-01-03T18:11:00.000+01:00

Denne vesle karen flytta inn i hagen vår i romjula. Han gjorde nok ei rask vurdering av fordelar og ulemper: Kaninbur gir tilgang til litt mat som kaninene ikkje gjer kål på. Katt i huset er ein viss risiko. Men her vart fordelane vurdert som større enn ulempene.

Tabbe.

Katten var godt fornøgd då eg såg han med fuglemiddag... Fuglen var ikkje så livlig lenger, for å seie det slik;)

Ommøblert leikeområde. Takk, Dagmar:(

2012-01-02T22:00:00.004+01:00

Dagmar rota både her og der. På skulen har vi ein liten skog, som er flott å leike i for borna. No var den kraftig ommøblert...

Ingen av trea hadde ramla inn over leikeapparata, men det var ganske nær. Og nokre tre hadde velta, men ikkje ramla heilt i bakken. Typisk utrygt. Heldigvis var det folk på plass i dag og rydda opp. Då er det ok å sende borna ut og leike igjen:)

Årsoppgjer:)

2012-01-01T22:37:00.004+01:00

Eg har sett litt over kva eg har brukt 2011 til. Jaja, eg må vel innrømme at ikkje heile livet mitt blir lagt ut i bloggen.... Men det eg har laga, blir vel presentert her;)

Bileta ligg jo alt i bloggen, så her laga eg ein ørliten kollasj av noko av det eg har strikka. Og så kan eg vel telle over!

Eg startar med det høgaste talet: 17 luer!
2 par vottar, 4 par sokkar, 1 par tøfler, 2 panneband, 4 halsar/kragar, 3 sjal/skjerf.
1 vest, 2 jakker, 2 gensarar, 2 toppar, 3 babyteppe, 4 tunikaer.
Og så litt småplukk, som dokkekjole, gryteunderlag, dokkesovepose, leggvarmarar.
Til saman har eg rapportert inn 52 ulike ting.

I løpet av 2011 har eg strikka opp 7695 gram garn. Det er faktisk rekord sidan eg starta å halde kontroll på slikt. Men det er ikkje så store skilnader på kor mykje eg brukar frå år til år, ser eg.

Målet for 2012 får vere å strikke fleire sokkar og færre luer.... Men samtidig tenkte eg nylig på at det sikkert er behov for fleire prematurluer og sokkar, og kanskje teppe også. Det skal eg også få gjort meir av i løpet av året!

Islendaren er ferdig, hurra:)

2011-12-31T00:30:00.000+01:00

Gubben min gjennom 20 år hadde lyst på ein islendar, så då måtte han sjølvsagt få det. Denne er strikka i Mitu, blanding av ull og alpakka. Om du ikkje har prøvd garnet før, er det vel verdt eit forsøk! Eg syns i alle fall at garnet er mjukt og godt, og plagga vert stødige og fine. Tunikaen min har blitt brukt flittig, og den held seg fin.

Årets siste lue, heilt garantert:)

2011-12-31T00:07:00.003+01:00

Denne er alt i Oslo, den vart med på lasset ilag med ei av dei kjekke jentene eg er tante til. Den er strikka i riller på tre rette og tre vrange omgongar, og elles berre tilpassa for å bruke alt garnet... Det gjekk fint, eg hadde igjen nokre få cm etter å ha festa tråden.

Easy er eit behageleg garn, og det går jo superfort å strikke ei lue på pinnar 7!

Takk til minstesystra mi for å stille som modell:)

Kanskje den mest spennande julegåva i år

2011-12-28T01:03:00.004+01:00

Hobbyboden kan friste med så mangt. Eg vart med på hemmelig venn i julerunda, og då fekk eg tildelt ei hobbydame i Oslo som eg skulle sende pakke til. Sjølv fekk eg ein pakke frå ein eller annan som eg ikkje kjende identiteten til. Men det var ikkje umogleg å gjette at det var Tove som stod bak denne pakken. Ho budde her i mange år, før ho flytta lenger sørover langs kysten saman med prestemannen sin;) Tusen, tusen takk, Tove!!

Her var det sjokolade, te og serviettar. Og så masse deilig rosa garn, som jentene mine kjem til å nyte:) New Zealand lammeull, alpakka og deilig melert pusegarn!

Nokre luer igjen!

2011-12-27T14:27:00.000+01:00

Eg har strikka litt... No går det på luer, mest fordi eg eigentleg skulle ha gjort ferdig islendaren til gubben. Den må eg montere no i romjula!

Eg har strikka to luer i Alfa. Den eine har tantebarnet mitt fått i julegåve, den andre ligg i kassa og ventar på vidare skjebne.

Juleglimt

2011-12-26T14:22:00.004+01:00

Eg har ny rekord i juletre i år! Mennene i huset var i skogen og henta tre (no har dei fleste trea der lagt seg etter stormen, forresten!) og eg sette det inn, pynta og herja. Det er digert, og faktisk ganske fint;)

Sidan eg såg at treet var stort, kjøpte eg fleire lyslenker, og då kan treet gjerne vere stort. Dei siste åra har eg hatt lyst på meir lys, men det har berre ikkje blitt handla.

Elles må eg vise fram dei nydelege jentene mine i nye kjolar. Det er mammajonsson som syr, og mormora til jentene mine bestilte og betalte;)

Spennande, stormfull jul:)

2011-12-26T13:59:00.005+01:00

Det er spennande med litt ver. Og no har vi hatt nok for ei stund. Stormen Berit var her for ein månad sidan, og no var det Dagmar som kom på besøk. Vi var for så vidt klar, men det er ikkje godt å vite kva desse damene finn på alltid.

Kvart år er det tradisjon i familien at vi et julebrunsj hos svigerforeldra mine. Der samlast alle, og det er stor stas. Utpå dagen vart det meir og meir vind, og etterkvart gjekk straumen. Vi åt dessert i lyset frå mange stearinlys, og så fann vi ut at det var tryggast å bevege seg heim for å sjå at alt gjekk bra der.

Den eine kanina har eit litt lett og ustabilt bur, og vi var redde for at det kunne velte i vindkasta, så vi bad dei kjekke svogerane mine om å ta det inn i garasjen. Det gjorde dei, men samtidig oppdaga dei at det var meir på gang. Taket på traktorgarasjen var i ferd med å løsne, og etterkvart tok det seg ein tur på eiga hand. Heldigvis klarte karane å hente inn att bølgeblekkplatene... Resten av taket vart forankra i traktoren;)

Jentene ville gjerne sove i samme seng i natt. Vi prøvde å legge begge i senga til Prinsessa, men då var stormen på det verste, og det rista godt i huset. Så rimeleg kjapt vart dei overflytta til senga vår, der er det plass til alle fire i slike høve. På den sida av huset var det mykje rolegare, og dei sov ganske godt. Litt skummelt er det jo, særleg når ein ligg på loftet og høyrer at taksteinane singlar nedover taket.... Pipehatten vår er borte vekk, så no er det presenning over pipa og fyringsforbod. Jammen godt at straumen kom tilbake i dag tidleg, elles hadde det blitt kjølig her!

Etter nyttårsorkanen i 1991/92 var det reine valfartinga for å sjå kva herjingar som hadde vore. I dag tok vi ein liten tur. Det ser ut til at det meste har gått bra, det manglar ein del takstein, og mange store og små tre har teke kveld. Eg måtte snu då eg møtte eit tre tvers over vegen på Eidet. Eg såg også ein del lyktestolpar som heng i ledningane... Det er vel berre rettferdig, no har stolpane teke ansvar og heldt på plass ledningane i mange år, så no kan dei bytte litt på!

Elles er eg no ganske fornøgd med at eg ikkje vaska vindua ute før jul. Eg har aldri sett vindu som er så fulle av salt! Og dette saltet kom med vinden, det er over ei mil til saltvatn den vegen. No regnar det igjen, så det vert vel vaska vekk på nokre av vindua i alle fall:)

Hysterisk morsom:)

2011-12-19T23:17:00.003+01:00

No har eg fått heim Musikanten min til jul, og då blir det brått litt musikalsk humor her i heimen. Noko av det fyrste han gjorde då han kom heim, var å spele denne videosnutten. Eg syns det er fantastisk morsomt, og eg reknar med at andre kanskje er enige med meg. I alle fall om dokke er musikalske....

Denne er musikalsk på eit litt høgare nivå enn jenta i forrige innlegg, men den er likevel litt på linje;)

Og god jul;)

2011-12-15T22:17:00.002+01:00

1.desember
TIL ALLE ANSATTE
Jeg har gleden av å informere om at bedriftens årlige julefest skal feires på Steakhouse den 20. desember. Det vil være hyggelige juledekorasjoner og et lite orkester kommer til å spille hyggelige julesanger.

Det er altså tid for å slappe av og nyte kvelden! Bedriftens viseadministrerende direktør kommer til å være utkledd som julenisse og vil tenne juletreet.
Dere kan gjerne gi presanger til hverandre, men pass på at de ikke koster mer enn 200 kroner.
Jeg ønsker dere og deres familier en fredfull advent.

Tina Johansen
Personalansvarlig

2. desember
TIL ALLE ANSATTE
Det var ikke meningen at gårsdagens melding skulle utelukke våre tyrkiske kolleger. Vi vet at deres helgedager ikke fullstendig samsvarer med våre.
På grunn av dette kommer vi til å kalle tilstelningen for "årsavslutningsfest" fra nå av. Det blir dessuten verken juletre eller julesanger.
Jeg ønsker dere og deres familier en hyggelig stund fremover.

Tina Johansen
Personalansvarlig

3. desember
TIL ALLE ANSATTE
Jeg vil vise til et diskret tips fra et medlem i Anonyme Alkoholikere, som krever et "tørt" bord. Jeg er glad for å kunne oppfylle dette ønsket, men vil samtidig påpeke at anonymiteten ETTERPÅ ikke vil kunne garanteres.
Dessuten vil det ikke bli anledning til å gi julegaver, da fagforening har protestert og anført at 200 kroner er for mye penger å bruke på dette.

Tina Johansen
Ansvarlig for personalforskning

7. desember
TIL ALLE ANSATTE
Jeg har klart å få reservert et bord langt borte fra buffeen for våre medlemmer av Grethe Roedes Vektklubb, og et bord nær toalettene for alle gravide. Homofile får sitte ved siden av hverandre. Lesbiske behøver ikke sitte samme med de homofile mennene, men får et bord for seg selv. De homofile skal selvsagt få en blomsteroppsats på sitt bord.
Er dere fornøyde nå?

Tina Johansen
Galehusansvarlig

9. desember
TIL ALLE ANSATTE
Naturligvis kommer vil til å ta hensyn til ikke-røykere og bruke en tung gardin som kan avdele festsalen. Alternativt vil vi plassere røykerne i et telt utenfor restauranten.

Tina Johansen
Ansvarlig for personalundertrykkelse

10. desember
TIL ALLE ANSATTE

Vegetarianere! Jeg har bare ventet på å høre fra dere! Vi gir fullstendig faen i om det passer dere eller ikke. Vi går på Steakhouse!!!! Hvis dere vil, kan dere for min del gjerne reise til månen for at dere den 20. desember skal få sittet så langt borte fra "dødsgrillen" som mulig. Nyt salatbaren og
spis rå tomater!! Forresten har tomater også følelser! De skriker når man skjærer i dem, jeg har selv hørt det!! Der fikk dere!!!
Jeg ønsker dere alle en jævlig jul, drikk dere stup fulle og gå i koma!!

Hilsen "bitchen" i tredje etasje!!

14. desember
TIL ALLE ANSATTE

Jeg er sikker på at jeg snakker på vegne av oss alle når jeg håper at Tina Johansen er på bedringens vei. Det vil bli satt pris på om dere hjelper til
og sender mange "God bedring"-kort til psykiatrisk avdeling på sykehuset
Ledelsen har for øvrig bestemt at det ikke blir noen fest den 20. desember.
Dere får i stedet fri denne dagen på bedriftens bekostning.

Fredrik Lindstrøm
Fungerende personalansvarlig

Jepp. Og for å få litt barnsleg glede inn i dette innlegget, legg eg ved denne:

Juleverkstad:)

2011-12-14T12:09:00.002+01:00

I dag har eg ein fin dag! Det er juleverkstad på ungdomsskulen, og før lunsj stod eg ilag med nokre andre og rørte i grautgrytene. Enkel og grei jobb, ja... Skal vel innrømme at det var bittelitt kjedeleg etterkvart, men det vart god graut! Og ingen av dei store grytene vart svidde:)

Etter lunsj er det nye grupper, elevane har meldt seg på ulike aktivitetar og alle byttar midt på dag. Så no sit eg ved ein pc, ved sidan av elevar som skal lage julekort på pc. Medan elevane arbeider, høyrer vi (og dei) julemusikk og skravlar. Det er ikkje så dumt, dette her....

Eg kunne gjerne vore på ei av dei andre gruppene, for eksempel dei som lagar marsipan, eller strikkar, eller er på sløyden. Noko av det mest populære er ballspel i hallen, eller styrketrening på Aktivsenteret. Gode alternativ for mange elevar:)

Eg vil gjerne dele litt av stemninga med dokke:

Jauda, eg strikkar litt!

2011-12-07T08:00:00.000+01:00

Her har eg strikka opp resten av noko lysblå kashmir alpakka, det vart ei deilig og mjuk lue. Eg trur ikkje det vert til jentene mine, men det kan jo hende;)

Og så har eg hatt litt Faerytale liggande. No har eg strikka eit enkelt sjal. Auka ein maske i starten av kvar omgong, og og eit kast på kvar side av midtmasken. Dette er også veldig mjukt, og kjem til å varme meg på kalde dagar. Det var litt mangel på nøytrale sjal/skjerf i kassa mi, det er greitt å ha noko som ikkje krasjar med andre fargar på kleda!

Kaniner er ålreite dyr

2011-12-06T23:48:00.001+01:00

Det er berre å innrømme det: Dei er søte, både Trampe og Line;)

Trampe er no så stor at han klarer å forhalde seg til konseptet do. Men Line er som andre babyar, det kjem berre ramlande noko stadig vekk. Så dei må vere på gangen, for der er det lettast å halde kontroll og plukke kaninperler... Det er jo berre korte økter dei får vere inne, da! Mesteparten av døgnet bur dei ute i bura sine, og har det visst ok der. Eg ventar framleis på at Gubben skal få tid (og rygg) til å snekre eit større bur der dei får vere saman. Det kjem nok etterkvart;)

Glimt frå advent

2011-12-05T22:41:00.005+01:00

Det er jammen hektisk med advent til tider. Jammen godt at det snart er slutt på alle avslutningar som skal puttast inn i løpet av ei veke eller to... Men innimellom korkonsertar, turnoppvisningar, fotballfest og klassefest, og skogsfest i barnehagen, innimellom alt dette andre er det av og til eit pusterom. For eksempel ein laurdag med besøk av små vener. Då vart det pynta peparkaker! Og i år hugsa eg å bruke eggekvite som basis i melisglasuren. I fjor gløymde eg det, og det vart aldri tørt... Jaja, etterkvart vart det ok, men det tok mange dagar med lufttørking!

Ein av dei nye, nydelege julesongane!

2011-12-02T15:46:00.001+01:00

Denne har vi hatt på barneskulen nokre år, og eg har hatt gåsehud og klump i halsen mange gongar. Det er ei så utrulig vakker tekst! Og så er jo melodien også fin, da...

Eg kjenner at eg stressar ein del no i førjulstida, men prøver å la roa senke seg innimellom. Då er det ei god hjelp å ha julemusikken:)

Årets fyrste, men ikkje den siste!

2011-12-01T08:58:00.001+01:00

Advent alt no?

2011-11-28T16:30:00.004+01:00

Det er visst nokre dagar sidan sist eg hadde tid til å blogge noko... Ikkje bra! Men eg er jo her, det er berre den daglege drifta som tek litt meir oppmerksomheit. I går var det fyrste søndag i advent, og vi tende sjølvsagt eit lys i staken. Det har vore godt innever denne helga, så vi har kosa oss maksimalt inne;) Stormen Berit var på besøk fredag, og ruska litt opp rundt oss, men vi slapp vel greitt unna her.
Det einaste fanteriet ho ordna, var ei diger bjørk som knakk i vindkasta. Det høyrest imponerende ut, men bjørka var gammal og rotna, så Berit måtte ikkje jobbe altfor hardt for å få den ned.... Men eg må innrømme at det er greitt å sleppe damene til med trefelling av og til. Denne bjørka stod nemlig slik plassert at det var litt skepsis til å felle den utan profesjonell hjelp. Den la seg i retning straumledningane, og det er litt kjedeleg å la treet røske med seg ledningar i fallet. Heldigvis var Berit ei oppegående dame, så ho la treet ned den vegen det var fri bane. Gubben min kommenterte at det der hadde ikkje han klart, om han så hadde to traktorar!

Sidan vi bur på ei øy, er vi avhengige av ferje eller hurtigbåt om vi skal til Ålesund og den retninga. Ferja går nesten uansett, men av og til må båten legge til kai og vente på at vinden skal roe seg. Fredag ettermiddag vurderte nok mannskapet ombord at det skulle gå bra enda ein tur. Men det var Berit uenig i!
Dette biletet har eg henta frå VG, for eg var ikkje ombord i båten.... Det var sikkert litt spennande då ei bølge slo inn døra i fronten av båten. Vatnet kom visst inn i ganske store mengder, men ingen vart skada. Så då er det sikkert ok;)

Ei enkel lue igjen:)

2011-11-17T14:36:00.001+01:00

Det er så greitt å ha enkle strikkeprosjekt til å ta med i veska:) Dette er ei lue i Sterk, perlestrikka i starten, deretter auka eg litt og strikka glattstrikk vidare. Eg veit ikkje kven som treng denne, eg lurer på om eg skal ta med ei kasse til pauseromet på jobb og by fram litt av overskotslageret mitt. Det hadde vore praktisk å selge nokre ting no før jul: Då blir det ryddigare i heimen, og eg får inn nokre kroner å bruke i desember. Og nokon andre kunne blitt varme på toppen! Tre gode ting på ein gong, nesten betre enn eit Kinderegg....

Puffen har fått nytt liv;)

2011-11-16T15:02:00.001+01:00

Det er rart med strikkating, dei har ein tendens til å sige litt utover... Og når ein sit på dei, vert dei litt flate;) No var puffen min ganske flat og uformeleg, så eg vurderte å kaste den. Men eg kom til at det var greitt å gje den ein sjanse til. Dermed vart den spretta opp, vaska i alle sine ulike delar, og sydd saman i litt mindre storleik. Det var ei stund slik at eg trudde eg måtte gje opp å få snurpa den saman, men med litt tolmod og mykje styrke gjekk det!

Denne typen puff (oppskrift frå Pickles) er strikka i eit langt rektangel, og sydd saman i kortsidene. No sydde eg den saman minst 30 cm inn frå eine enden, og det gav god effekt. Eg håper den held på fasongen litt lenger denne gongen! Her kan du finne det opprinnelege blogginnlegget om puffen:)

Inni har eg to dyner og to puter, pluss eit stretchlaken som er farga mørk raudt.

Kanindilla

2011-11-15T15:30:00.000+01:00

Har du sett noko så inderleg søtt??

Her i heimen er det kanindilla for tida. Trampe har fått selskap. Den nye kanina er på plass, og ho heiter Line. Det er jentene som bestemmer namn, og no har dei funne ut at dersom dei skal rope på kaninene (som om kaniner nokon gong svarer på slikt....) kan dei rope Trampoline:) Enn så lenge bur kaninene i kvar sitt bur, men gubben har innsett at han må snekre eit større bur som dei kan bli sambuarar i. Han skal berre snekre litt anna fyrst!

Eg trur kaninene har gode forutsetningar for å kunne bu ilag. Trampe er kastrert, og den nye Line er så ung at ho ikkje vågar seg på noko form for ypping. Om det skulle vise seg at det blir nødvendig, får vi kastrere ei til...

Jentene er stadig på "jakt" etter litt kos og klapp, og kaninene finn seg i det. Det blir nok roligare etterkvart, men det er i alle fall ingen fare på ei stund;)

Nokre redige såpekokarar

2011-11-14T23:43:00.007+01:00

Eg kunne ikkje dy meg, eg måtte bruke eit godt gammalt lokalt uttrykk som overskrift... Vi er såpekokarar, ja. I alle fall har vi laga såper, og det er kjekke greier! Jentene mine og eg, og så minstesystra mi, vi laga ei diger samling med såper. Fleire ulike fargar, lukter og fasongar vart resultatet. Eg trur dei er gode også;)

Nokre vart gitt vekk i farsdagsgåver, og nokre skal systra mi ta med seg heim, men eg har ei stor skål som er ganske full! Det kjem til å vere nok såper her ei stund:)

Kunst frå 5 år gamle kunstnarar!

2011-11-14T15:16:00.001+01:00

Eg syns det er så kjekt med kunstverk som borna har laga! Her er det siste i huset, det er minstemor på 5 som har laga denne i barnehagen. Vi fekk kome på kafe i barnehagen nyleg, og betalte 20 kroner for kunsten. Inntektene gjekk til Redd Barna, så då er det berre supert å betale nokre kroner!Det var dei eldste som laga slike, dei fann pinnar og tau på ein tur dei var på, og så vart dei kreative evnene dyrka i etterkant:) Nydeleg?

Nydeleg haust!

2011-11-11T18:56:00.004+01:00

Det er nesten ikkje til å tru, men det er fantastisk ver for tida! No er det slik vi drøymer om, litt kaldt, men klart og fint. Det er nydelege fargar å sjå både om morgonen og om kvelden, og vi hugsar godt korleis det kan vere... I fjor var det kjempekaldt i november, og snøen kom tidleg. Eg håper det ikkje vert ein like lang og kald vinter som vi har hatt dei siste to åra.

Vi har kanskje fortent å få ein mildare vinter i år? Men eg kan jo alltids strikke meir varme klede....

White Snowflake

2011-11-02T00:34:00.002+01:00

Eg må vise fram den søte perserkattungen til svogeren min! Han og madammen henta katten nyleg, og på vegen heim stoppa dei her. Det er ein svært sjarmerande liten katt, eg kunne nesten tenkt meg ein slik.

Samtidig er eg svært fornøgd med den litt late, litt tjukke og kastrerte Tigeren vår. Han klatrar ikkje i gardinene, akkurat, og det er heilt ok. Kanskje er det lov å bli litt lat når han er 9 år?

Ved enden av regnbogen

2011-10-31T13:20:00.002+01:00

Eg har lært at ved enden av regnbogen finn ein ei gryte med gull. Eg såg regnbogen, og der den enda, er det gull: Huset til besteforeldra mine!

No bur farfar der åleine, men han er gull åleine også:) Vi kjenner saknet av farmor, men er glade for at vi har hatt henne her så lenge. Gode besteforeldre er gull verdt!

Varmekjelder

2011-10-30T16:22:00.003+01:00

Eg har strikka jamt i det siste, om ikkje i så store mengder... Men noko blir det jo! No har eg to halsar og ei lue å presentere:)
Lua er frå garnstudio, og du kan finne oppskrifta på Florence der. Eg brukte ikkje rett garn, for eg hadde alt strikka ein slags hals, og ville ha ei lue til. Dermed vart lua litt lita til meg, men så er det jo mange som har mindre hovud enn meg her i verda! Garnet er Drops Extra fine merino, og det gjekk ganske nøyaktig eit nøste til lua.

Under ser du halsane eg har strikka. Dei to er like, men blir ganske ulike i uttrykket når garnet er så ulikt.
Den blå er strikka i Sulka, eit deilig garn! Det brune er altså Extra fine merino, som lua. Eg ser at det er ganske stor fargeforskjell mellom dei ulike bileta, men det er altså eitt brunt og eitt blått eksemplar:)

Eg klarer ikkje å finne igjen kvar eg såg denne "halsen" eller sjalet, eller kva eg skal kalle det. Det er så enkelt at eg ikkje trengde å skrive ut eller lagre oppskrifta, og no har eg ikkje kontroll på opphavet lenger... Det er rett og slett ein firkant, starta med 3 masker, auke ei maske i starten av kvar omgong til du har ca 50 masker, og så felle i starten av kvar omgong. Hekle kant rundt om du vil:) Eg laga knapphol i heklekanten.

Desse er perfekte til kalde dagar med litt for utringa overdel! Kneppinga skal vere i nakken, men det kan ein sjølvsagt variere etter ynskje.

Hemmelig uvenn-kjole

2011-10-29T23:44:00.004+02:00

Eg var så heldig at eg fekk ein stor og innhaldsrik pakke full av det verste garnet ei anna strikkedame hadde i hus. Det var store mengder akryl der, ja...

Mykje av garnet er teke med til skulen der eg jobbar, og no er det 2a som lagar vev med det garnet som materiale;)

Men minstemor syntes at noko av garnet var såååå lekkert, mellom anna dette: fluffy, lett glitrande i ein melert rosalillakvit farge. Det var utan mageband, så eg veit ikkje kva det er, men det er i alle fall kunststoff...

Eg kom til at eg måtte lage noko av det, så eg leita litt i skuffene og fann to nøster lilla Sterk som passa i fargen. No har det blitt ein kjole til minstemor:)

Vaffelhjarte

2011-10-26T15:27:00.002+02:00

Eg er litt forelska:) Det er så fantastisk å sjå tv-serien Vaffelhjarte på fredagskveldane. Eg gler meg til kvar fredag, og det same gjer jentene mine. No har vi heldigvis muligheit til å ta opp seriar på tv, så om det skulle vere ein gong det verkeleg krasjar, er det ikkje krise. Og i tillegg har eg ein sjanse til å sjå episodene meir enn ein gong. Det er ikkje ofte eg gidd å sjå barne-tv meir enn nødvendig!!

No har eg supplert bileta med ein annan helt frå barne-tv. Wilhelm Støylen var på Hareid i helga, og eg knipsa han ilag med læraren Ellisiv som dukkar opp i neste episode av Vaffelhjarte. Ho spelar seg sjølv;) Ellisiv er frå Hareid, og Wilhelm er frå Herøy, der innspelinga av Vaffelhjarte vart gjort.

Om du skulle ha hoppa over Vaffelhjarte, må du nok skjerpe deg neste fredag.

Eg elskar kommentaren frå Trille til Lena: "Du kan godt få hjertet mitt, viss du vil." Rett nok snakka han om vafler akkurat då, men det ligg sååå mykje meir i kommentaren!

-sukk-

Knekkebrød med noko attåt

2011-10-24T16:37:00.001+02:00

Eg har laga ein del knekkebrød, men jentene mine likar kjøpte knekkebrød betre, særleg Havre. Dermed har eg hatt ein jamn sirkulasjon av knekkebrød i kjøkenskapet.

Overraskinga var stor då eg oppdaga at eg hadde fått meir enn eg hadde betalt for....

For nokre veker sidan skulle eg servere knekkebrød med smør til minstemor. Eg såg at det var noko rusk på eine hjørnet, men tenkte ikkje over det med det same. Då eg skulle legge knekkebrødet på fatet, såg eg at det var noko som bevega seg der! Det var ein larve, og den andre kom rett bak! To brune, tynne, centimeterlange larvar, på eit knekkebrød eg skulle til å servere. Eg treng vel ikkje å forklare kvifor eg kasta alt i søpla med det same...

Men eg rakk å sjå at det var ein spindelvevklase mellom eit par knekkebrød i pakken, og der såg eg noko eg trur kan vere ein puppe.

Vi et så mykje knekkebrød at dei aldri blir gamle her, og dette var ein nesten nyopna pakke. Eg sende difor mail til Wasa, for å fortelle om kva eg fann.

Etter eit par dagar fekk eg svar, og dei beklaga hendelsen utan å ta noko ansvar. Det kan ikkje vere hos dei problemet ligg, seier dei. Jaja, det er ikkje hos meg heller... Som plaster på såret, lova dei å sende ein pakke med litt forskjellig.

No fekk eg ein hyggeleg pakke med fleire pakkar knekkebrød, og ei boks til å oppbevare knekkebrød i. Det har eg frå før, men eg kan godt ha plass til fleire:)

For ei helg!!

2011-10-23T21:59:00.003+02:00

Dette har vore litt av ei helg!

Fredag var vi på konsert med Sissel Kyrkjebø. Laurdag var eg på stemnefest, ei 4 timar lang kulturmønstring av store dimensjonar. Og i dag song vi på festgudsteneste, før eg gjekk med innsamlingsbøsse for tv-aksjonen.

Stemnefest? Pussige greier, kanskje? Ikkje her:) Det er den femtiande gongen, faktisk. 50årsjubileum er vel verdt ei skikkeleg markering. Omtrent 700-800 menneske samla!
No er det ikkje uvanleg at det er mykje godt program på Hareidsstemna, det må eg seie. Det har vore ein presentasjon av både lokale og nasjonale storheiter.

Vi kan nemne Strings Unlimited, Ytre Suløen Jazzensemble, festtale ved pensjonert biskop Gunnar Stålsett, ballett, solosong, 5 kor, skuleelevar med nydeleg song... Og så ein god matpause med muligheit til å skravle med andre.

Sunnmørsposten har laga ei bildeserie frå festen. Eg har ei utfordring: Gjett kva kor eg er med i? (du ser kanskje at eg og systra mi har bunad...)

Dersom du ikkje veit kva Strings Unlimited driv med, kan du få ein snutt her:)

Fantastisk konsert:)

2011-10-21T23:26:00.004+02:00

Sissel Kyrkjebø er ei dame med lang fartstid. Denne helga hadde ho teke turen til vesle Hareid, og det slo an. Minst 1000 tilhøyrarar var på plass, og eg stilte med begge jentene på slep;) Gubben og eg var enige om at dette var ein konsert vi gjerne ville ha med oss, og barnevaktene hadde store planar om å vere på same konserten. Dermed fekk dei to små vere med, utstyrte med drikke og godteri. Minstemor sovna mot slutten, då var det litt for seint for henne....

Det vart eit fryktelig ver ute i kveld, så ho våkna då ho kom ut i vinden. Før ho slokna i senga si, sa ho at ho likte veldig godt då Sissel song Velkommen hjem. Det er eg enig med henne i, det er ein nydeleg song! Og eg kan gjerne dedikere den til Musikanten min. Vi saknar deg!

Prinsesse på vift

2011-10-16T22:28:00.004+02:00

Eg har vore superheldig:) Prinsesse for ein kveld! Rett nok var det 10 andre prinsesser til stades, men det var ingen som hadde så langt prinsessehår som meg;)

Ei kollegavenninne har flytta og inviterte til innflyttings-prinsesseparty.

Her i huset er det ikkje mora som har høgast prinsessefaktor sånn til vanleg, men eg har fått med meg at det skal vere lang kjole, høge hælar og langt hår. Minstejenta sin kommentar er alltid at eg ikkje kan vere prinsesse, for eg har kort og mørkt hår. Slik kan ein ikkje verte prinsesse.... Heldigvis er det mogleg å låne sko med høge hælar, og lang kjole fann eg visst i skapet, og bakerst i skapet låg parykken eg brukte på karneval for nokre år sidan. Det var morsomt å vere blondine for nokre timar!

No er det fare for at ikkje alle blogglesarane veit korleis eg brukar å sjå ut, men de får tru meg: Det er ikkje akkurat slik;)

Megasuperkulturell, ja!

2011-10-16T21:49:00.003+02:00

No er vi i gong igjen på Hareid. Det er standard kvar haust, veke 43 er fullspekka av konsertar og anna kulturelt program. I dag var eg med på konsert ilag med koret mitt, Hareid kammerkor. Vi fekk vere med på Hjørungavåg Brass sin konsert, på eit bestillingsverk av Odd-Arve Hjørungdal.

I år det Hareidsstemne nr 50, det er ikkje verst, kva? Innhaldet har nok endra seg ein smule gjennom åra, og det som i starten var ei feiring av korsongen i bygda, har vakse seg langt større. No er det vanleg med ein storkonsert med aktørar som er kjende både innanlands og gjerne utanlands. Fredag kjem Sissel Kyrkjebø, men fram til den konserten skal vi ha med oss mykje anna.

Eg er høgt oppe etter å ha vore med på å framføre bestillingsverket i dag. Det var lokale diktarar som leverte tekstene, komponisten er utflytta sambygding, og i tillegg hadde vi gleda av å nyte operasolistane Charlotte Fongen og Magne Fremmerlid.

Det var ein fantastisk kveld, og resten av veka blir det meir:)

Mega-adventskalender-utlodning

2011-10-12T21:15:00.001+02:00

Brit har stort jubileum, 100 000 besøk i bloggen! Og den dama er ikkje snau, ho loddar ut tre store adventskalendarar til nokre heldige vinnarar. Eg kan berre hååååpe:)Om du er ein fan av advent og jul, må du ta turen innom og helse på Brit.

Men la gjerne meg vinne;)

Trampe er pappa:)

2011-10-11T21:18:00.006+02:00

Ser du kva dette er?
Eg nemnde det forrige veke, men no har eg fotobevis også. Kaninen vår har blitt pappa til 6 små nøste. Mora er sikkert glad og lykkeleg, men faren har ikkje peiling på kva han har stelt i stand;)

No står det fredelige livet som åleine-kanin i fare. Jentene har lagt inn krav om å få ei eller helst to av desse små kaninene hit. Eg overlet det til gubben, for om vi skal ha fleire kaniner, må han nok snekre meir buplass... I kveld var vi på besøk hos dei 8 dagar gamle kaninene, og fekk halde dei. Det er lett å bli forelska i desse nøsta! Faren til kanineigaren er i gang med å snekre eit nytt og stort kaninbur, og eg hevdar at gubben min kan ta ein tur bort og få inspirasjon:) Eg er på gli, etter å ha halde ein av ungane er eg klar til å gje etter...

Men det er klart at det er meir styr å ha fleire kaniner, og dei må gjerne kastrerast for å unngå fleire slike overraskingar.

Varme til toppen

2011-10-09T22:11:00.005+02:00

No er det slutt på haustferien i regionen. Vi har ikkje vore på noko tur, men eg har fått med meg at det har vore snøkaos på vegane både her og der. Jammen godt at vi har vore heime, tenkte eg... Sist helg var det kjempevarmt, fleire stadar var det over 20 grader, så det er ikkje så rart at folk ikkje tenkte på vinterdekk om dei reiste på haustferie då!

Etter den varmen vart det meir regn igjen, så no er blomsterbedet mitt nesten ei rismark. Dersom eg slenger ut litt ris, kan eg sikkert hauste ris der snart?

Jaja, når det går mot vinter, er det kjekt med varme luer og denslags. Her er eit strikka panneband, strikka i dobbel Sterk. Eg strikka til det var passe langt, og sydde saman i endane. Enkelt og greitt:)
Og så vart resten av Sterk-garnet til ei enkel hekla lue. Den er ikkje stor nok til meg, men så er eg stor i hovudet også... På lua starta eg på toppen, hekla stavar rundt og rundt, og auka litt av og til... Det vart ganske bra. Fordelen med å hekle slik, er jo at det er lett å rekke opp att ei runde eller to om det er behov for det!

Misti-hals

2011-10-07T22:20:00.003+02:00

Eg har fått ei lita dille, eg strikkar halsar. Eller kragar, om du vil.
Det går nok over etterkvart, men no har eg i alle fall laga ein hals med ribbestrikk og litt element av fletter. Oppskrifta fins ikkje, berre i hovudet mitt. Men det er jo ikkje stor kunst heller...

Eg hadde tre nøste med Misti, kjøpt utan konkrete planar. No er det blitt eit varmt og mjukt "plagg" av det. Eg veit ikkje kven som kjem til å ende opp med dette, kanskje skal eg ta med litt småtteri til jobb og sjå om nokon har behov for noko av det eg har liggande? Ein kollega har teke med seg eit par kasser med tjukkelestar og tøfler, og eg kan sjølvsagt ta med litt av det eg har:) Om eg får nokre kroner for det, er det jo hyggeleg, så har eg litt å handle meir garn for;)

Gratulerer med overstått, Gullungen:)

2011-10-04T12:25:00.000+02:00

Gullungen min har blitt 5 år!
I helga har vi feira stort, både med barneselskap og familieselskap. I dag stilte ho i barnehagen for å bli feira der for aller siste gong. Dei har frukt i store mengder på bursdagane, og krone på hovudet;) I tillegg vert det sjølvsagt gjort litt ekstra ære på bursdagsbarnet den dagen.

Mora sleit med å kome på smarte ting å ønske seg på vegne av jenta, så no var det ho sjølv som kom med innspela til dei som spurte. Det resulterte i ein heil dyrehage... Heldigvis er alle dyra avhengige av batteri for å bevege seg, men vi har no 5 marsvin (av typen Zhu-zhu pets), ei kanin, ein katt og ein hund, som alle kan bevege seg, lage lydar og elles vere sjarmerande og søte.

Kjekt! Gullungen var klar til å gå i barnehagen då ho brått vart nesten overmanna av lyst til å vere heime saman med alle dyra sine. Det var vanskeleg å gå, men det gjekk...

Elles kjem eg til å måtte gå på barselvisitt etterkvart. Kaninen Trampe har blitt far til 5 små kaninungar, og det var litt uventa. Kaninmora bur hos venninna til Prinsessa mi, og dei to jentene har nok planlagt dette godt! No kjem det an på kva dei vaksne vil gjere...

Fotodokumentasjon kjem etterkvart. Kanskje ikkje med den stolte far på samme bilde, eg trur ikkje farsinstinktet er å stole på?

Gamal kjenning dukkar opp på nytt

2011-10-03T23:24:00.000+02:00

Eg har strikka nokre slike luer tidlegare, i ulike fargar og garntyper. Denne er strikka av dobbel super fine merino.

Sjå, ho strikkar;)

2011-09-29T15:00:00.002+02:00

Det er ikkje all verdens tid til å strikke når ein er på Londontur. Men på flyet, og litt på flyplassen, og kanskje ei halv runde medan ein ventar på andre... I alle fall har eg laga ein hals. Oppskrifta fann eg på nett, her er ei Ravelry-lenke. Eg brukte Drops Extra Fine Merino, og må innrømme at eg la opp litt færre masker enn oppskrifta. Men eg tenker at halsen vert stor nok, eg! Den går to gongar rundt halsen min, men då er den litt vel tettsitande. Etterkvart finn eg nok ein eigar som vil ha den:)

Før Londonturen strikka eg uven-sokkar. Ikkje at sokkane er så uvenlege, men garnet er ei gåve frå ein hemmeleg uven. Og det er litt hat over dette raggegarnet. Det klør i augene når eg strikkar med det! Godt gjort, ikkje sant?

Men no er sokkane ferdige, og eg trur dei er gode å ha på seg. Eg lurer på om eg skal gje dei vekk til Musikanten. Han treng sikkert fleire varme sokkar til vinteren. Dersom eg sender med ei karamell eller to, vert han sikkert glad.

Sist eg sende ein pakke, fekk eg denne tilbakemeldinga på facebook:
Ditt vesen er som fløyel blant gråstein, som silke mellom staur og kongeørn blant småspurv. Din kropp er som ei antilope mellom nashorn. Di oppfinnsomheit som Petter Smart blant Noregs Klodrikforeining. Dine Noregspakkar er som lys i mørkret - og relativt problematiske i forhold til eit sunt kosthald. "Kor fager du er, min hugnad - det fins ikkje lyte hjå deg." -Høgsongen

Skal eg nemne at pakken då inneheldt ein IPad2, ein haug notar og store mengder sjokolade, kjeks og anna kos? Måtte fylle ut all ledig plass i Noregspakken, må vite;)

London!

2011-09-27T22:28:00.006+02:00

Eg er salig:) Vi har hatt ei herleg langhelg i London, minstesystra mi og eg ilag med mennene våre. Jentene fekk vere heime, eit par overnattingar hos farmor/farfar og eit par hos mormor/morfar. Dei har hatt det supert her, og vi har hatt det supert der. Kan det bli betre?

Norwegian flyg direkte frå Ålesund til London (Gatwick), og turen var akkurat passe lang. Avreise tiiidleg laurdag morgon, slik at vi hadde heile dagen i London, og så heimreise i dag, tirsdag formiddag, slik at vi kom heim i tide til middag:)

Skal eg ta ei kjapp oppsummering, kanskje? Vi opna med Madame Tussauds, og det var vel verdt pengane:) Vi betalte oss forbi køa, det angra vi ikkje verken eit øre eller minutt på. Det var lang kø både på "vanleg" inngang og for dei som hadde kjøpt billett på førehand. Vi hadde fått eit tips, og spurte ei av vaktene om råd. Jauda, det var berre å runde hjørnet, betale 5 pund ekstra, og gå rett inn. Gubben min kommenterte tørt at det er lite fristande å stå i kø i to timar for ein timepris på 25 kroner...

Mange kjendisar å sjå her, og nokre eg ikkje hadde peiling på... Og så avslutta seansen med ein kul 4D-film.

Vi budde på eit fint hotell, Melia White House, og vi vart veldig gode på å ta oss fram på undergrunnen. Men det er jo finare over bakken, da...

Det vart fleire runder med vandring i byen, i ulike strøk. Vi kom til at vi må ha meir til til Camden Market neste gong vi besøker London. Det var eit område vi berre rakk å snuse på, og det var fristande å sjå meir der! Og kanalbåtane til Camden prioriterte vi ikkje, men det kan eg gjerne tenke meg ein annan gong.

London er synonymt med musical for mange, og vi bestilte billettar til Løvenes Konge. Det var ei fantastisk oppleving! Musikken, kostymene, scenen, det var ei imponerende framsyning.
Der var det naturlegvis ikkje lov å ta bilete, så du får heller bestille sjølv;)

Når ein er turist i London er det greitt å sjå litt av byen, og vi tok ei runde med sightseeing-buss for å dekke det viktigaste. Det er mogleg å hoppe av og på slik ein vil, men vi sat roleg mesteparten av turen. Og så delte vi oss. Gutta gjekk på krigsmuseum og jentene gjekk på shopping. Hamley`s er verdas største leikebutikk, 7 etasjer! I kvar etasje finn ein ulike typer leiker, ein etasje er stort sett fylt med bamsar, ein har ulike spel, ein har "jenteleiker" og ein har "guteleiker", og så heldigvis nokre etasjer til....

Og ein fin tur inneheld helst også god mat:) Det vart det mykje av. Vi åt på libanesisk restaurant i Soho, kinesisk i Chinatown (ja, det er også i Soho...) og på karibisk restaurant nær Waterloo station. Det er morsomt å prøve nye ting, og det gjorde vi!
Eg håper at det blir fleire turar til London, for det er mykje å sjå og gjere i den byen;)

På tide å sortere planar igjen?

2011-09-20T21:06:00.002+02:00

Det er greitt å ha mange planar, men no går det over alle støvleskaft. Eg er overbevist om at det er ein allergisk reaksjon som gjer det...

Eg held nemlig på med eit par ekte raggsokkar, av uvenngarn. Og garnet er skikkeleg uvennlig, eg klør i augene av å strikke med det! Jauda, det vert gode, solide raggsokkar av slikt garn, men eg kjenner at eg har veldig lyst til å strikke alt mogleg anna. Eg prøver å vere flink jente, og ikkje starte på noko anna før den andre sokken er fullført....;)

Ikkje nok med at eg har mykje lekkert garn som eg har lyst til å strikke av, no har eg også massevis av uvennlig garn som eg bør strikke av. Men det kjem eg til å vente med. Raggsokkane er eitt bidrag, det får halde ei stund.

Gubben ventar (trur eg) på islendaren sin. Den skal han nok få før jul. Kanskje.
Han burde også få nye bunadstrømper.
Elles tenkte eg å strikke ein regnbogefarga gensar eller tunika til minstemor, garnet ligg klart til denne også.
Eg har mange nøste med deilig garn som er tenkt til luer og kragar, gjerne med fletter etc. Nokre slike kunne vere julegåver, om eg berre kom i gang....
Stadig flyttar eg rundt på 4 ferdig oppnøsta Wollmeiser som skal bli Still Light med tida.
Og eg oppdagar at eg treng nye sokkar til hausten, men det skal ikkje vere i raggegarn;)

Jaja, det er vel berre å sette i gang!

Etter at eg er ferdig med raggsokkane, ja....

Babyjakke i eksklusivt garn;)

2011-09-18T22:12:00.004+02:00

Eg har meldt meg på utfordringar på Hobbyboden med vekslande hell;) Men denne er ikkje så dum. Kvar månad blir vi utfordra til å strikke noko relativt bestemt. I september skulle det vere ei jakke. Om eg skal bli ferdig med ei jakke i løpet av ein månad må det vere ei lita jakke...

Tenk så praktisk at eg har tenkt på å strikke noko til ein liten gut. Dette vart sparket bak! Eg treng slike små spark av og til.

Eg har verdas hyggelegaste garnbutikk i bygda, og då eg gjekk der og kika, sikla eg over eit deilig garn. Sandnes Kashmir Alpakka, tjukt og mjukt.
Butikkeigaren fortalde at dersom eg ville ha den fargen, kunne eg få det til halv pris, sidan fargen går ut! Snakk om flaks:) For eg syns garnet var utrulig deilig, men litt i overkant dyrt. Godt over 70 kroner for eit nøste... Halv pris er ein god deal!

Mønsteret fann eg litt tilfeldig på drops sine sider, og eg syntes umiddelbart det såg enkelt ut. Eg las ikkje så nøye, men eg la merke til at det stod "Ermsømløs" på oppskrifta. Det kan vi like. http://www.garnstudio.com/lang/no/visoppskrift.php?d_nr=b18&d_id=17&lang=no Her er linken. Men syns du at det er ermsømløst når eg må sy saman BÅDE PÅ OVERSIDA OG UNDERSIDA av ermene?? Eg må innrømme at eg aldri hadde valt denne oppskrifta om eg hadde lese litt meir nøye.

Enno har eg ikkje sydd i knappar, det må bli eit besøk på butikken fyrst.

Det er ikkje alle gåver ein skal takke for...

2011-09-13T14:12:00.004+02:00

Eg melde meg på Hemmelig uvenn på Hobbyboden. No kan eg berre ha det så godt...

Konseptet er heilt suverent. Vi får tildelt ein uvenn som vi får sende det verste garnet vårt til, i så store mengder som vi vil. Og så får vi tilbake ein pakke med det verste nokon annan har. Flotte greier, ikkje sant? Sist hadde eg eigentleg flaks, og fekk garn eg likte! No var det verre.

Eg var veldig fornøgd over å ha rydda i skuffene og kassene mine, og sendt frå meg ein heil haug med garn som eg ikkje kom på noko bruksområde til. Men det eg fekk tilbake var hakket verre! Min hemmelige uvenn syns ho kanskje burde ha dårleg samvittigheit, og ja, det kan du godt! Fysj, så mykje fælt samla i ein Norgespakke!

Store mengder akryl, og så mange raggsokknøste av typen stikkete ekte raggsokkgarn! Og det mest fantastiske er at jentene mine står i kø og vil ha av garnet;)

Legg merke til den lys lilla greia midt i biletet over. Det er noko som har sjølvdauda, det er eg sikker på. La ikkje fargen lure deg. Dette er ondskap satt i system!

Eg er ikkje sikker på om det blir strikka så mykje av det... Jaja, kanskje når eg får tenke litt på det!

Her ser du alt det "herlige" garnet på ein plass. Eg har ikkje sjekka kor mykje det er, det orkar eg ikkje...

Eg har strikka litt dei siste dagane, og mellom anna har eg gjort kål på restane etter Mitu-tunikaen. Det vart ei lue og eit panneband, mottakar ukjent enno.

Snart er det på tide å stemme! Godt val!

2011-09-11T01:42:00.002+02:00

Ein skule for kunnskap og like moglegheiter krev fagleg sterke lærarar.
Difor vil Venstre gje alle lærarar tid og ressursar til fagleg påfyll
gjennom systematisk etter- og vidareutdanning. Vi vil ha ein god skule
for elevane, difor satsar vi på læraren.

Venstre vil:
• at alle lærarar skal rett og plikt til etter- og vidareutdanning.
For oss er dette den viktigaste prioriteringa i norsk
skule.
• innføre femårig allmennlærarutdanning og auke opptakskrava.
• fjerne tidstjuvane i skulen: Gje lærarane høve til å bruke
meir tid på elevane, og mindre på byråkrati.
• auke innslaget av andre yrkesgrupper i skulen, og gjennomføre
eit løft for skulehelsetenesta.
• auke norsk forskingsinnsats til tre prosent av BNP innan
2013.

Vi meiner at eit velferdssamfunn vert best målt etter korleis vi tek vare
på dei svakaste. I Noreg er det ikkje lenger viktigast å gje meir til alle,
men å hjelpe einskildmenneske som verkeleg treng det.
Venstre vil:
• styrke kommunane og gje dei større ansvar for helse- og
omsorgstilbodet.
• satse på førebyggjing, mellom anna ved å styrke primærhelsetenesta.
• gje sjukeheimsplass til alle som treng det, og styrke
kvaliteten i sjukeheimane.
• etablere nye, styrka institusjonar i kommunane som kan
avlaste sjukehusa, samt fleire rehabiliteringsinstusjonar.
• ta i bruk konkurranseutsetjing for å sikre brukarane og
styrke kvaliteten på omsorgstenestene
• satse på eit kvalitativt godt barnevern ved å overføre ressursar
frå BUFetat sine regionkontor til den kommunale
barnevernstenesta.
• etablere lågterskeltilbod på kommunenivå for psykologisk
behandling utan henvisning.
• tilby rusavhengige behandling innan 24 timar etter avrusing
og utvide tilbodet innan medisinsk behandling.
• redusere skjemaveldet i helse- og omsorgssektoren: Meir
behandling, mindre byråkrati.

Tunika à la Tyrkia;)

2011-09-08T23:31:00.003+02:00

Nuvel.... Det er ikkje slikt dei har på seg i Tyrkia...

Garnet er tyrkisk, i alle fall! Det vart handla inn på sommarferien i år, og no har Prinsessa fått ein ny tunika. Flott farge, eg kunne gjerne tenkt meg eit eller anna i denne fargen, men eg var redd for å få for lite garn. Oppskrift? Nei, kva er det?

Her er det enda eit plagg av typen: "Legg opp så mange masker at det er nok. Strikk ei stund, og så vurderer du kva det kan bli. Er det passe livvidde til ei av jentene? Ok, då vert det noko til dei."

Denne gongen klarte eg eit mesterstykke, forresten! Eg var nesten ferdig med halsen, då eg oppdaga at det var litt skeivt på skuldrane. Og der viste det seg fort at eg hadde klart å legge opp 10 masker meir på den eine arma enn den andre.... Knallbra! Så då var det berre å rekke opp att. Kjedeleg, ja? Eg hatar å rekke opp!

Men no er tunikaen ferdig:) Og eg håper at den blir brukt, det er aldri sikkert at dei ferdige plagga fell i smak.

Farmora mi er borte!

2011-09-02T17:50:00.002+02:00

Det er nesten ufatteleg. Farmora mi, Dagny Helene, er ikkje lenger blant oss! Ho rakk å bli 97 år, og ho var, som du ser av biletet, ei fantastisk dame:) Klar i toppen, litt slitne bein. På tirsdag ramla ho på soveromsgolvet, og braut lårhalsen. Det vart operasjon og alt som fyl med, og kroppen tolte nok ikkje påkjenningane. I dag sovna ho inn.
Hjartet var fullt av alle ho var glad i, og ho brukte lang tid på kveldsbøna kvar einaste kveld, for ho nemnde alle etterkomarane med namn. Dermed vart kveldsbøna lenger og lenger ettersom åra gjekk;) Vi er mange som kjem til å minnast farmor/mormor/oldemor med stor glede.

Eit minne som kjem, er frå då eg var 8-10 år og hjelpte til med arbeidet på garden. Farmor stod på kjøkenet og steikte store mengder sveler eller vafler, som ho serverte i pausane. Ingen andre vafler er så gode som farmor sine!

Kva skjer på øya?

2011-08-30T22:21:00.004+02:00

Det står til liv;)

Ei lita oppdatering, kanskje? Det har gått i eitt dei siste dagane, med ganske mange aktivitetar på heimefronten. Fotballturnering laurdag, søndag var det varetelling (dugnad) og så store mengder kantarell igjen om kvelden. Både laurdag og søndag var eg litt ute av fasong, for å seie det slik, men det var berre snørr og vond hals. Heilt greitt, eigentleg.... Men natt til mandag vart det brått endring, gitt! Kvalm, dårleg i magen, feber, rett og slett elendig!
Eg fekk levert minstemor i barnehagen og sendt Prinsessa på skulen. Og så tilbrakte eg resten av dagen på sofaen. Gubban, så mykje elendig som går på tv på dagtid! Eg var så dårleg at det var uaktuelt å strikke, og då er eg skikkeleg dårleg altså;)

Heldigvis kom eg på at eg hadde eit opptak av filmen PS: I love you. Slike tv-bokser kan gjere litt nytte for seg av og til. Nydeleg film, eg måtte grine fleire gongar...

Då husbonden kom heim halv fem og tok over ansvaret, sovna eg visst. Og så sov eg frå klokka fem til nærare halv elleve. Då var eg svært mykje betre. Men etter at eg sov vidare i senga resten av natta, var eg så godt som heilt frisk. Herlig!

Strikking vart det lite av i går. Men eg festa trådane på leggvarmarane til minstemor;)

Håper ho har lyst til å bruke slike, da!

Blomsterprakt ved døra

2011-08-25T12:28:00.000+02:00

Eg er litt fornøgd med kva som møter meg når eg kjem heim for tida. Erteblomster er fine, og dei er ganske dekorative! Så mange fargar på ein gong!

Herleg dag med uteaktivitet!

2011-08-24T21:13:00.002+02:00

Overdose av frisk luft? Eg trur eg var der i går... På skulen fekk eg vere med 2.klasse til skogen nokre timar, og etterpå var vi ute på skuleplassen og leika meir. Berre i løpet av skuledagen vart det slik mykje meir uteliv enn det brukar å vere;)

Og etter jobb var eg berre heime ein liten sving, for å gjere klart til neste aktivitet. Fotball-laget til Prinsessa hadde "oppstartfeiring" no i staden for sommaravslutning, for veret var ikkje på vår side i juni. Så medan jentene trena, fyrte eg opp eit digert bål i grua ved skulen. Då dei kom, var vi klare med grillpinnar, pølser med brød, saft og marshmallows:)

Det vart ei flott stund, og både sysken og mange av foreldra var der saman med oss.

Eigentleg like greitt å ikkje ha all slik aktivitet i juni og desember.... Det er kjekkare å fordele litt!

Skogens gull:)

2011-08-21T22:11:00.002+02:00

Eg er så heldig at eg har ein svoger som har fått dilla på soppturar:) I dag vart vi med, og gjett om det vart storfangst! Vi var jo mange hender som plukka, men minstemor var vel ikkje heilt å stole på. Eg plukka ut att eit par som heilt garantert hadde gitt oss mageproblem, og kanskje meir på kjøpet....
På førehand sa eg at korga mi var altfor stor.... Men det vart nesten fullt! Svoger T og systra mi hadde like mykje med seg heim:) Eg har aldri før plukka sopp på skikkeleg, men dette kjem eg til å prøve igjen! Men det tek ganske mykje tid å rense og forvelle så store mengder kantarell.... Veret var fint då vi gjekk, men det regna skikkeleg på slutten. Neste gong skal det vere godt ver heile tida, og vi skal rense meir undervegs. Trur eg.Det eg har på bordet, er berre vel halvparten! Korga er framleis ikkje tom på dette biletet.

Kveldsmaten i dag vart brød med smør og steikt kantarell. Nydeleg!!

Fotspor....

2011-08-21T11:44:00.004+02:00

Ein kan seie mykje om kor viktig og fint det er å sette spor etter seg. Eg er ikkje sikker på om eg er enig i dag....;)

Nymala dørstokk.

Pus snik seg inn gjennom ei dør som er berre nesten igjen...

Hææ? Eg??

Tunika i Mitu

2011-08-18T23:04:00.003+02:00

Eg har strikka til meg sjølv igjen:) Denne tunikaen med stjernemønster har eg sett på tidlegare, men no kom den fram på rett tid og rett stad. Mitu er eit garn eg ikkje har prøvd før, ei deilig blanding av ull og alpakka. Eg trur denne kjem til å bli brukt mykje! Fargane er kule, syns eg, og eg må innrømme at eg har litt dilla på denne grønblå fargen for tida. Trådbutikken "min" stilte med sjefen sjøl på jobb den dagen eg handla, og eg vart frista over evne. Resultatet var at eg enda på petrol tunika med turkis stjerner. Langt sprekare fargekombinasjon enn oppskrifta lokka med;)

Herlig medisin mot uhøflig mobilbruk:)

2011-08-18T22:11:00.002+02:00

Trampe er tilbake:)

2011-08-13T23:06:00.002+02:00

Sidan eg sukka i forrige innlegg;) Trampe er no tilbake på plass i buret sitt! Over ei veke på rømmen, og likevel klarte Prinsessa å fange han då ho endeleg fann han i går kveld. Han var framleis i det same området som han var sist vi såg han, men eg hadde ærleg tala gitt opp... No var eg sikker på at han hadde gått vidare i verda, og at vi ikkje kom til å sjå han igjen. Eg hadde alt lova minstemor at vi kan skaffe ei ny kanin til våren;) Men no slepp eg det!

Dei var lykkelege, begge jentene! Og Trampe verka fornøgd, han også.

I dag vart eg overraska over at Trampe sat stille innanfor døra til buret sitt då eg let opp. Han brukar vanlegvis å stikke inn i den andre halvdelen, slik at eg ikkje får tak i han. I dag sat han og let meg klappe han lenge! Trur det var slitsomt å vere på rømmen:)

Det vart ei god helg!

Fillekanin..... Høgt elska og litt hata...

2011-08-08T22:33:00.003+02:00

Som mange blogglesarar kanskje har fått med seg, så har vi både katt og kanin og til og med akvariefisk. Fiskane er lette å halde orden på, det er berre å skifte litt vatn og slikt, så er dei fornøgde. (I dag har eg forresten gjort ein stor innsats for akvariet!)

Katten er også lett å glede. Så lenge han får kome inn og ete, og sove i vinduskarmen, er livet godt. Om vi skal vekk, flyttar han berre opp til foreldra mine til vi er tilbake.

Men kanina? Fysj, for eit sjarmerande uvesen... Trampe har passert to år, han er glad i Prinsessa, og er glad for å få mat og drikke. Når han får kome inn i huset, seier han takk for seg med å tisse i stolane. Så då må han vere på gangen (der det ikkje er stolar!) når Prinsessa ikkje styrer med han. For 5 dagar sidan vart døra ståande open, sidan det var så fint og varmt ver. Ikkje så smart... Det var nok ikkje heilt bevisst;)

Vi oppdaga ikkje at kanina var vekk før dagen etter, då det varierer kven som tek Trampe ut i buret sitt igjen etter eit besøk inne.

Men dei siste fire dagane har vi vore på jakt. Det er lett nok å vite kva område vi skal leite i, for han går alltid til same stad. Men å sjå denne vesle krabaten som gøymer seg, det er ikkje så lett. Og no har han blitt ganske vill! I går hadde vi han nesten, men i dag var det mykje vanskelegare å kome nær nok. Han har funne ein ypperleg gøymestad, under og innimellom nokre store stablar med pallar. Det er uråd å sjå kvar han er, og uråd å fange han.

Eg har snart lyst til å la vere å jakte meir.... Ei av damene som bur der han held til, sa i dag han sikkert ikkje likar seg hos oss;) Ho kan kanskje få han! Fillekanin.

Topp til Prinsessa mi

2011-08-02T10:46:00.003+02:00

Månadens utfordring på Hobbyboden var å strikke ein vest eller tunika. Eg er ikkje sikker på om dette kan vere ein tunika, den er ikkje så veldig lang. Men det er ein vest:) Prinsessa kallar den for ein topp, så då får den heite det.

Garnet er blålilla Angora-Tweed frå Drops. Det er fryktelig som det røytar, eg vaska toppen i eit forsøk på å få vekk det meste av overskotet. No er det for varmt for slike plagg, og det stikk nok ein liten smule. Eg reknar med at dette blir eit plagg for hausten, med ein tynn gensar under.

Oppskrift har eg ikkje. Eg la opp eit passe antal masker, strikka rundt til det var passe langt, og så felte eg av. Deretter hekla eg stavar rundt eit par omgongar, og felte inn litt på vidda samtidig. Så laga eg hol til armane, og heldt fram med å hekle nokre omgongar til. Easy-peasy. Eg kan nemne at eg felte ei maske (hoppa over ein stav) i kvart "hjørne" av armehola, kvar omgong. Slik fekk eg forma toppen litt, og det likna bittelitt på ei raglanfelling. Men ok, mest av alt er det rundfelling, i og med at eg felte litt på dei siste omgongane.

Dersom du syns det er vanskeleg å sjå, kan du klikke på biletet, så blir det litt større på skjermen din:)

Hyttefrelst:)

2011-08-01T23:30:00.004+02:00

Eg har funne ut at eg har lyst på hytte. Eg har ikkje sååå lyst til å betale for den, men tenk så nydeleg å ha ei hytte å reise til. Og ein ekstra bonus hadde vore at eg hadde fått god plass i kjøkenskapa mine. Det er jo praktisk slik, å skulle utstyre eit ekstra kjøken må vel nødvendigvis gjere at det er mogleg å ta med ein del av det som fyller skapa her?

Vi har hatt ei herleg helg på ei hytte som foreldra til svogeren min eig. Flaks for oss:)
Eg har aldri vore på Nerskogen før. Det er kanskje i lengste laget å køyre dit frå Ytre Sunnmøre, vi brukte 5 timar på turen. Men når ein er der, er det jo fantastisk!

Om eg ikkje får råd til å kjøpe hytte, kan eg kanskje ønske meg grillhytte i hagen. Det er også kjekt å ha:) Med ei slik kan ein jo ha hageselskap i allslags ver!

Søndag gjekk vi på tur til eit fiskevatn, passe kort å gå for små bein. Og for dei større beina som var slitne etter ein lang tur laurdag.... Vi grilla og kosa oss i fint ver, og fekk til og med fisk! Dei vart grilla seinare på kvelden. Ypperleg! Prinsessa var veldig tolmodig med fiskestonga, og var stolt over at ho fekk den største fisken. Den smakte godt etterpå!

Boksommar

2011-07-28T10:40:00.001+02:00

Det er ei "ny" oppleving å ha god tid til å lese bøker på sommarferie. Eg har alltid vore glad i å lese, og då eg var lita las eg heile tida... Men etter at eg fekk born, og brukar meir ledig tid på strikking, har det blitt lite tid til bøker.

I Tyrkia-kofferten tok eg med meg ei krimbok, og tenkte at det ville halde ei god stund. Men eg las 5 bøker i løpet av dei to vekene i Tyrkia:) Sidan det er foreldra mine si leiligheit, og det stort sett er familie som er der, har vi gjerne sett igjen bøker etter at vi har lese dei. No var eg heldig og fann mange aktuelle bøker i minibiblioteket der.

Det er vel nesten flaut å vere så treg med å lese Hotellet på hjørnet av bitter og søt. Den vart lest kjapt, det var ei bok det var vanskeleg å legge frå seg. Har du ikkje lese den før, kan du gjerne gjere det! I tillegg vil eg reklamere sterkt for Drømmehjerte av Cecilia Samartin. Den er nydeleg, og eg tørka tårene mot slutten. Les denne!!

Siste dagen tok eg med meg Alkymisten til bassengkanten, og den var også verdt å lese.

Glimt frå Tyrkia:)

2011-07-27T12:17:00.001+02:00

Eg kunne sjølvsagt ha lagt ut 200 bilete frå ferien i Tyrkia. Men eg skal spare deg for så store mengder informasjon:)
Eg kan likevel nemne at vi i år leigde bil ein dag, og køyrde til Dim-elva, der vi åt lunsj, faktisk på elva. Dei har bygd opp restaurantar langs elvekanten, og gjestane sit i båsar ute i elva. Vi sit tørt, på puter rundt lave bord, men det er fort gjort å vasse ein tur i det kalde elvevatnet om ein ynskjer det. Det var for kaldt til at eg ville ha bada der!
Etter lunsjen besøkte vi Dim-grotta. Den er stor! 350 meter innover i fjellet, og eit flott skue med dryppsteinsformasjonar. Elles er tyrkisk mat noko av det eg gler meg til kvar gong eg skal til Tyrkia. Sjå den søte gamle dama som står og steiker pannekaketynne brød ved vegkanten. Ho gliste stort til alle, med fire tenner, og hadde lært seg å seie CHEESE til fotografen:)
Ved bassenget veks bananpalmer, men bananane var knallgrøne no...

Prematurstrikk igjen

2011-07-26T23:30:00.004+02:00

Det var ikkje store strikkeprosjekt på ferieturen, men bittesmå prosjekt er fint av og til. På dagtid var det for varmt og klamt til å strikke, men på kveldstid, derimot, då var det kjekt å strikke litt.
På altanen kunne eg få sol på beina medan resten av meg var i skuggen, og det passa flott:)

Det vart eit skråstrikka babyteppe, og eit par bittesmå sokkar, og ei lue av restegarn. No er både desse tinga og luene frå tidlegare vaska og klare til å sendast til prematuravdelinga i Ålesund.

Ein hemmelig sommarvenn har sendt meg pakke:)

2011-07-26T16:42:00.004+02:00

Det er kjekt å vere på ferie, og det er kjekt å kome heim. Det var godt med grovbrød med brunost til kvelds i går, og eg kosa meg med å bla gjennom stabelen med post. Eg rekna med å finne ein pakkelapp, og det gjorde eg! Til og med to, sidan den fyrste hadde venta på meg ei god stund. Men i dag fekk pakken bli med ut frå posten sine hyller:)

Nydeleg med litt søte saker, inkludert Melkerull:) Og så to fint innepakka gåver, eg måtte knipse før eg opna dei!

Gjett om eg er fornøgd med min hemmelige sommarvenn!! Dette er midt i blinken! Eg er stor fan av Tynn Alpakka, og fargekombinasjonane er lekre. Faerytale trur eg ikkje at eg har strikka av før, men det kjennes deilig ut.
Og så eit nøste Arwetta Classic, eg er overbegeistra! Nydeleg farge, og ferdig nøsta opp:)
Her er det berre å sette i gang! Men eg veit ikkje enno kva eg skal lage... Det kjem etterkvart!

Enn så lenge veit eg ikkje kven du er, men eg får sende ein stor takk til min hemmelige sommarvenn uansett:)

Livet snur fort

2011-07-23T22:49:00.005+02:00

Det er lite å seie i desse dagar. Vi sit i Tyrkia på ferie, og har vanskar med å fatte kva som skjer heime i Norge. Alle er like sjokkerte, og vi sit ved pc og tv i timevis for å prøve å forstå. Men det er ikkje lett!
Dødstala etter ein gal mann sine herjingar ser ut til å snart vere oppe i 100. Dei aller fleste av dei drepne er unge menneske. Det er ufatteleg og for grusomt til å greie å ta inn over seg.

Alt vi no kan gjere, er å stå saman. All medkjensle til dei som er direkte råka anten i Oslo eller på Utøya! Vi andre må innsjå at Norge ikkje lenger er som det var.

Endeleg varme!

2011-07-12T22:57:00.001+02:00

I dag har vi funne varmen. Rett nok måtte vi reise ei lang natt for å finne den, men det er det jammen meg verdt. I dag har vi hatt den fyrste dagen i Oba, Tyrkia. Jentene har stort sett vore i bassenget store delar av dagen:) Det ser ikkje så ille ut, gjer det vel?

Eg og Musikanten stakk ein tur på tyrkisk bad, og det skal ikkje bli siste gong! Eg kan anbefale å sjekke nettsida tilEuropean Beauty. Eg har ikkje prøvd andre plassar, så eg kan ta alvorleg feil, men eg opplevde denne staden som veldig proff. Du kan bestille tid på førehand, via nettsida, og dei hentar og bringar gratis.

No har eg rigga meg til på verandaen utanfor leiligheita, med eit glas kvitvin, for det er jo viktig å fylle på med væske.... Og det var nok ikkje lite eg sveitta ut i løpet av den to timars lange behandlinga:)

Vi har sjølvsagt vore på restaurant og ete middag også, det var noko jentene har gleda seg til. Dei hugsar også den uvante følelsen av å gå ut og surre i gatene etter at det har blitt mørkt. Men i dag var vi ikkje så seine, det er travelt å reise med fly og buss heile natta!

Tidsfordriv

2011-07-09T22:24:00.000+02:00

Eg har hatt litt av ein jobb dei siste dagane! Det er ei stund sidan sist eg kom på å bestille papirkopiar av alle bileta som ligg på maskina. Eg har fleire gongar bestemt meg for å gjere det litt oftare, men eg går på ein smell stadig vekk.... No var dei forrige bileta i albuma frå oktober, så eg hadde forsømt meg igjen;)

Men etter nokre dagars innsats, er eg godt fornøgd! Ikkje mindre enn 5 album har vore i sving, nokre av dei er til meg og gubben, men så lagar eg alltid eit album til kvar av borna også. Det er ikkje så mange bilete der, men eg prøver å fordele slik at dei ser litt av kva dei har vore med på og korleis både dei og oss andre såg ut i 2011.

Så no er eg klar til å knipse mange feriebilete, og lime dei inn i november:)

Kvar blir det av bordskikken i landet?

2011-07-06T22:43:00.003+02:00

No kjem systra mi til å le. Høgt.

Eg er over middels sensitiv overfor dårleg bordskikk i form av smatting, faktisk alt inntak av mat som inkluderer unødvendig lyd... Systrene mine har fått lære den harde måten at slikt aksepterer ikkje størstesystra. Det var visst snakk om velretta spark under bordet om dette vart gløymt.

I dag var eg nær ved å forlate ferjesalongen og heller site i bilen under overfarten Hareid-Sulesund. Eg klarte å bli sitande, men det var ein lidelse. Litt bortanfor meg sat nemlig ein familie med ganske store born, der alle 5 heldt på å tygge kjeven ut av ledd. Det var nok store mengder tyggis involvert. Ferjer er ikkje lydlause, det er faktisk ganske mykje lyd der. Men likevel var det svært enkelt å få med seg tygginga frå denne familien Flintstone. Det er foreldra som må ta ansvar for å gjere borna nokonlunde siviliserte. Her har besteforeldra svikta også, for desse foreldra har tydelegvis ikkje fått med seg normal bordskikk. Eg skulle gjerne hatt lydopptak av denne gjengen, for det høyres ikkje så ille ut når eg prøvar å skrive om det. Men tru meg: Det var ille! Den yngste av borna var minst 9-10 år...

Eg kunne NESTEN tenkt meg å få vere fluge på veggen under eit måltid hos desse. Kanskje er det betre enn på tyggisfronten. Men eg har sett foreldre som sit på kafe ved sidan av ganske store born, og tydelegvis ikkje syns det er nødvendig å korrigere dei søte små.

Eg vil presisere: Det er søtt at 2-åringar mistar mat ut av munnen medan dei et. Det er ikkje søtt når 12-åringar tygg med munnen open og mistar mat ut av munnen. Ikkje søtt i det heile.

Om du er interessert, kan du gå inn her: Klikk.no og sjå kva som er anbefalt der.

Eg klipper litt:
Begynn i tidlig alder. Selv helt små barn kan forstå enkle kommandoer og grunnleggende manerer. Det er derfor ingen grunn til at ikke også dine barn kan lære seg god oppførsel ved matbordet tidlig. Begynn med å prøve å få barna til å sitte i ro på stolen sin og søle mindre.

Rundt skolestart kan barna begynne å lære mer detaljerte bordmanerer, som:

•Vent til alle har fått mat før du begynner å spise
•Tygg maten med munnen lukket
•La være å synge, komme med frekke bemerkninger eller skjære grimaser ved bordet

Gi barna ros når de oppfører seg godt.

Si fra om og rett opp uvaner, men på en rolig, behersket og tålmodig måte.

Er det eg som er for kresen?

Sommar og sol:)

2011-07-06T00:36:00.002+02:00

Eg er her:)

I dag (tysdag) har vi hatt sol, i alle fall etter at skodda letta. Herleg! Men litt vanskeleg å kombinere med at minstemor var sjuk i går. Eg har litt problem med å la henne herje i vilden sky når ho hadde 39 i feber i går. I dag verka ho frisk, men kven veit?

Morsomt å måle feber, forresten. Magi har vore på ferde, så øyremålaren viser fahrenheit i staden for celsius. Det er ganske overbevisande feber når målaren seier 101,5...
Då eg putta jenta til køys i går kveld, kommenterte eg at ho var så kokvarm på ryggen. Etter ei god natts søvn, sa ho sjølv at no var ho ikkje kokande varm lenger, og det stemte jo heldigvis.

I morgon (onsdag) skal eg til blodbanken og tappe litt av overfloden:) Det er litt ok å gjere det no når eg har fridagar innimellom. Arbeidsdagane er ikkje slitsomme heller, men i morgon har eg sett opp avspasering heile dagen. Herlig!!

Vifte med tærne:)

2011-06-30T22:21:00.000+02:00

Det er litt luksus å vere meg:) Herlig! I går var eg hos fotpleiar, og fekk stelt og ordna mine trufaste undersåttar. Og jammen vart det gel på neglene og endåtil diamant!! No kan sola gjerne kome, eg stiller gjerne i sandalar!

Javisstnei...

2011-06-30T17:42:00.002+02:00

Skal berre sjekke litt på mailen. Og så må eg innom facebook. Sjølvsagt kan nokon ha sagt eller skrive noko morsomt på hobbyboden. Og blir det sol snart? Ein bitteliten sving innom yr....

Hmmpfh!
NU skal eg gå og skifte sengeklede, støvsuge og rydde. Datamaskina kan minstemor få låne, så er ho fornøgd medan eg herjar omkring;)

Eg gler meg til sooool!!

2011-06-29T14:54:00.003+02:00

Eg er så glad fordi vi skal til Tyrkia i sommar! I år har vel sommaren vore rekord-dårleg på Sunnmøre, kanskje i store delar av landet? Eg trur eg hadde vore skikkeleg sur og grinete om eg ikkje hadde sikra meg to veker sol og varme:) No tel vi ned, og gler oss til å bade, sole oss og berre nyte livet.

Vi er heldige, sidan foreldra mine eig ei leiligheit som vi kan låne. Der er det flott både inne og ute, og så slepp vi å lure på kva hotell som er bra nok og kva by eller land vi skal velge;)

Men eg har litt behov for assistanse. Vi er ikkje så fryktelig kreative, så vi kjem gjerne ikkje på alle dei smarte reisemåla før vi høyrer om andre som har gjort noko morsomt. Då tenker vi ofte at det skal vi jammen også prøve ein gong... Så no utfordrar eg lesarane: Fortel kva du skal gjere i ferien! Eller kva du skal gjere neste år, eller året etter, om det er meir fristande å fortelle om det:)

Prematurstrikk

2011-06-28T11:56:00.004+02:00

Eg vart frista igjen:) Fine fristelsar skal ein gje etter for. No var det ei jente her som inviterte til å strikke til prematuravdelinga i Ålesund, og det syns eg var ein knakande god idé. Det er supert å ha noko sånt lite med seg i veska:)

No har det blitt 4 små luer, i varierende storleik. Den minste er passe til den minste babydokka her i huset, den største er passe til den største... Og eg reknar med at også babyane som er fødde for tidleg, har ulik storleik;)

Eg har brukt opp eit nøste baby cashmerino frå Debbie Bliss, og så litt andre merinorestar i tillegg.

Dokka som eg leita fram som prøvedokke, måtte få tøfler. Det syns minstemor var HEILT nødvendig, faktisk. Desse vert ikkje leverte til sjukehuset;)

Reklamerer for give-away

2011-06-27T20:25:00.003+02:00

Kristines skriblerier har give-away i desse dagar. Om du har lyst til å vinne aloe vera-produkt kan du gjerne stikke innom. Kristine har stadig slike kjekke ting i bloggen sin, sidan ho er forhandlar for Aloe Vera-produkt:)

Småproduksjon:)

2011-06-24T21:41:00.000+02:00

Det er kos med småprosjekt, for dei blir fort ferdige:) Her er eit par nye sokkar til Prinsessa på 8 år, ho vart så forelska i garnet at ho MÅTTE ha slike. Så då fekk ho sjølvsagt det. Resten vart ein kjole til ei lita dokke, som har vore naken i altfor mange år. Etter at eg tok dette bildet har dokka også fått tøfler, så no har ho det ganske supert!

Såpekoking er ein fin mogleg hobby. No har vi heimelaga såper ved vasken både oppe og nede. Eg har ergra meg over at desse såpene er så glatte at dei glir ned i vasken, og ikkje vert liggande på kanten. Det er sjølvsagt berre eit problem når såpene er våte, men det er dei jo ganske ofte:)

Såpekopp har eg ikkje, for lenge har vi berre brukt såpedispenserar og tilhøyrande flytande såpe. Men no har eg testa noko nytt.
Såpekoppklut. Enkelt og greitt!
Slik ser den ut i bruk. Såpa vert liggande i ro, og eg reknar med at eg lett kan vri opp kluten ved behov og skylle såpa ut av kluten. Dessutan tek denne minimalt med plass i vaskemaskina.... Eg lurer på om eg skal lage eit par til, det gjekk 10 gram tynt bomullsgarn til desse to.

Jonsok

2011-06-24T10:52:00.006+02:00

Er det berre eg som hugsar at det alltid var fint ver til jonsok i "gamle dagar"? Vi var alltid ved Snipsøyrvatnet, på farfar si hytte. Der var det grilling på bål i fjøresteinane, og pølsene var ikkje berre brune, dei var blåsvarte;) Ingen av oss ungane syns det var noko vits i å gå inn, det var så stas å site ved bålet og sjå alle dei andre båla rundt det store vatnet. I går var vi også ved Snipsøyrvatnet, på Holesanden. Der fekk vi kjøpe nydeleg rømmegraut, og kaker, is, pølser og brus. Ute var det grått og litt regn, men det stoppa ikkje borna som leika og kosa seg. Hesteriding, pilkast, stylter og springing:)
Utpå kvelden tende dei bålet, og det varma godt:)Etterpå fekk vi besøk av svoger og svigerinne, og grilla både kjøt, fisk og grønsaker. Men vi valde å ete inne, det regna ganske mykje! Det vart ei fin feiring, trass i dårleg ver. Og borna kosa seg, kanskje er det derfor veret ikkje vert hugsa så godt i ettertid?

Sommartopp i Cotton Light

2011-06-20T10:24:00.001+02:00

Denne toppen har eg brukt lang tid på! Eg har strikka den meir enn to gongar, trur eg, for eg har rekt opp att fleire gongar, og ganske store mengder kvar gong... Men no er den så perfekt som den kan bli, trur eg.

I oppskrifta frå Drops er den i kvitt, men eg er jo over snittet glad i blått;) I tillegg har eg teke vekk ei stripe med holmønster i sidene. Eg tenkte at det vert for avslørande for bulkane i sidene mine.... Sjekk oppskrifta her.

Ny fjelltur:)

2011-06-19T23:42:00.000+02:00

Det er så fint når yr ikkje treff med vermeldingane sine! I alle fall når dei i lang tid har meldt om dårleg ver denne helga, og så blir det fint! Ikkje for det, det hadde vel vore betre om vi fekk planlegge etter veret, men det er ikkje såååå viktig.

I går hadde vi ei miniturnering med fotballjentene, og eg leika sjef i kiosken. Slikt likar eg:) Det er kjekt å lage lister, bestemme kva foreldra skal ta med og kva dei skal gjere, og det er kjekt å steike vafler og selge mat til blide born og foreldre.

I dag gjekk vi ein tur på fjellet. Det var ein kort tur, og vi tenkte at heile familien kunne fikse dette. Det viste seg å vere litt bratt, men det gjekk bra. Eg mista stien eit øyeblikk, og rota meg ut på ei risikabel side.... Heldigvis kom eg på rett veg igjen;)

På vegen opp var det strålande sol, men på toppen kom skodda sigande. Den erta oss, kom og stakk av igjen. Temperaturen var ok heile tida, så det var ikkje noko problem!

Vi hadde til og med middag ute i hagen i dag, bacalao!!

Har du sett noko så vakkert?

2011-06-19T23:21:00.001+02:00

Runde

2011-06-17T12:15:00.000+02:00

Vi har hatt ein fin tur til fugleøya Runde for nokre dagar sidan, eg har berre ikkje kome på å fortelle om det. Det er ei lita perle, flott natur å sjå på, og ikkje så krevende terreng for små bein. Sjølvsagt er det fullt mogleg å gjere turen både lenger og brattare enn det vi valde. Men vi hadde med stormkjøkenet og laga middagen vår i ei skråning der vi kom i ly for vinden.

For å sjå mest mogleg fugl, er det smart å vere på plass om kvelden når fuglane kjem inn att frå havet. Då er det masse liv og røre, og på fine sommarkveldar er det visst mange som sit stille og ventar på fuglane.

Det vart meir og meir vind i løpet av dagen, og på nedturen fann eg ikkje att buffen (lua) til minstemor. Eg hadde ikkje med fleire luer, men ein ekstra genser til storesystra. Den fekk eg knyte på minstemor omtrent som eit skaut. Fungerte kjempebra:) Men minstemor var ikkje heilt begeistra. Ho sette trutmunn og forkynte: Det ser tåpelig ut!

Likevel: Varmen gjorde at gensarskautet fekk vere på.

Nokon har gode kontakter:)

2011-06-16T22:02:00.005+02:00

I år har vi hatt ein mildt sagt elendig sommar så langt. Det har jo for så vidt vore mykje væte i austlege strøk av landet også, så vi skal ikkje klage. Men eg kan jo nemne skodda utan å klage altfor mykje;) Det er berre noko litt tungt over hovudet, som tek vekk alt av sol og det meste av omverda...

Men i dag har vi hatt perfekt sommar! Ein heil dag, faktisk:) Og den brukte vi til å ha avslutningssamling for 2.klassene ved Nesset-elva. Der finn vi ei lita strand, ei opning i skogen og ein flott bålplass. Litt over 30 2.klassingar tok med seg foreldre, sysken og litt besteforeldre og hadde eit par herlege timar ilag. Vi droppa middagen heime og grilla istaden. Mange av borna bada, mine fekk berre lov til å vasse. Fæl mamma, eg veit det... Men det er ikkje akkurat nokon stor varme i vatnet, eg tippar at snittet har vore 12 grader her den siste månaden!

Enda godt at vi kan vere heldige og treffe så godt på den eine dagen med skikkeleg varme og fint ver. I morgon er det visst slutt. Og neste veke truar dei med fare for snøbyger! Passe til jonsok, det.

Magi i kvardagen

2011-06-16T22:01:00.000+02:00

Eg hadde lyst på dobbelt vaffeljern til bursdagen min, og eg var så heldig at eg fekk det! No er det ei fryd å steike vafler:) Det er nesten magisk, i forhold til å steike ei og ei plate! I helga skal vi ha mini-miniturnering for fotballjentene. Då stiller vi med to doble vaffeljern, og då må det vel nesten skje av seg sjølv...

Bloggtørke:)

2011-06-09T14:27:00.002+02:00

Eg har totalt fått bloggtørke. Må leite litt for å finne iveren igjen. Men eg er tilbake før du anar det:) Kanskje....
I mellomtida kosar eg meg med å strikke på ein topp, og då har eg i alle fall noko å gjere på. Og når den er ferdig, har eg noko å blogge om. Fine greier:)

Sommaren er nær!

2011-06-06T11:19:00.002+02:00

Eg gler med til ferie, men det er jo ikkje heilt enno. I dag talde vi over i 2b, og kom fram til at det står att 10 skuledagar etter at vi har gjort ferdig dagen i dag. Så då er det lett å telle frå no av:)Ok, eg har ikkje ferie frå då elevane tek ferie... Men eg har andre aktivitetar enn normalen, og det gjer at det kjennes litt som ferie likevel. Ein del av tida skal eg bruke til å engasjere nokre unge innvandrarar som elles ikkje har noko spennande å fylle ferien med. Det blir sikkert kjekt! I fjor var vi for eksempel på bading og bytur. I år lurer eg på om vi skal bruke litt tid på kjøkenet, kanskje vi kan lage bollar etc. Det hadde vore kjekt, og godt;) Eller kjedeleg, når det er gutar i 15-16-årsalderen som skal delta.

Eg treng kanskje nokre gode idear!

Problemet er at det gjerne kostar ein del når ein skal gjere noko kjekt, og vi har ikkje tilgang til noko budsjett å skryte av.... Eg syns ikkje det er stas å bruke for mykje av mine pengar på aktivitetane, og gutane har ikkje meir pengar enn at dei treng dei til meir "nødvendige" ting.

Om det skjer eit mirakel og vert sol og sommar, er det jo lett å ta dei med på ulike strender. Men eg trur ikkje på slike mirakel lenger.

No er eg berre veldig glad for at eg skal til Tyrkia på sommarferie, det gjer at det er litt mindre deprimerande med regn og ruskever.

Sagavoll i mitt hjerte

2011-05-30T23:26:00.003+02:00

Litt pompøs i dag?

Eg har hatt ei flott helg, og må fortelle litt om det! Sagavoll er folkehøgskulen min. Og mange andre sin, for så vidt. Det er 20 år sidan vi gjekk der, og i helga var det jubilanthelg. Alt frå 5 år til 60 årsjubilantar inntok skulen igjen, i varierande antal. Frå vårt kull stilte 27 personar, og vi skulle gjerne ha vore fleire til stades. Men vi som var der hadde ei fin helg!

Det er noko spesielt med å vere tilbake på ein folkehøgskule der alle blir så tett samansveisa i løpet av året. Det tok utruleg kort tid å finne tonen igjen, og dei fleste har jo ikkje forandra seg noko særleg. Med unntak av alle hadde mindre hår.... Nokre av karane har fått litt høgare vikar og det er kanskje litt tynt på toppen hos enkelte. Men det var damene som var mest markerte;) For 20 år sidan var det mykje permanent og mykje hår, og eg trur vi må vere samde om at det stort sett ikkje var veldig vakkert. Jaja, alt går når ein er ung nok!

Kjemien er faktisk den samme etter 20 år, det var godt å finne tilbake til det vi hadde ilag for mange år sidan.
Helga gav mange gode klemmar, mykje latter og mimring, og faktisk nokre tårer. Det høyrer også med, livet er ikkje alltid berre smil. Etter ei slik helg er det fint å kome heim til dei eg har her heime også:)
Om 5 år skal vi mobilisere og få storinnrykk på Sagavoll!

Om nokon av mine Sagavoll-vener er innom: Tusen takk for at du var med på å gjere både denne helga og 90/91 til noko spesielt.

Obligatorisk barnebok, også for vaksne

2011-05-26T21:00:00.001+02:00

Det er nokre bøker som set seg fast. Nokre fordi dei er triste, nokre fordi dei skaper engasjement, eller av andre grunnar. Eg trur at eg hugsar aller best dei bøkene som får fram tårene. Sannsynlegvis er eg ikkje spesielt sentimental og lettrørt, men bøker og song har god effekt på tårekanalane mine....

Minstejenta har alltid så mange spørsmål. Og alle svar blir møtt med oppfølgingsspørsmål. Men då eg las boka "Farvel, Rune" til henne, hadde ho ikkje så mange spørsmål etterpå. Eg trur den traff henne også.

Boka er skriven av Marit Kaldhol, og den er frå 1986. Eg hugsar godt at eg har lese den mange gongar, men eg er ikkje heilt sikker på når eg las den fyrst. Det eg veit, er at eg knapt klarer å lese den utan å svelge unna tårene no heller.

Rune og Sara er bestevener. Rune døyr i ei drukningsulukke, og vi får bli med i sorga, gravferda og tida etterpå. Det er noko med måten boka er skriven på som er perfekt til temaet. Ikkje overdriven sentimentalitet, men nært, varmt og utruleg trist.

Har du ikkje lese den sjølv, eller for borna dine? Ta ein tur til biblioteket, eller innom Haugen Bok. Dette burde vere ei obligatorisk bok for alle! Og kvifor skal ein vente til borna opplever sorg tett innpå seg? Vi veit at det kjem til å kome...

SFO er ingen spøk!

2011-05-26T11:08:00.002+02:00

Eg måtte le då eg fekk dette brevet frå kollegaen min ved skulen. Ho har vore flink jente og laga informasjonsbrev om SFO i sommarferien. Alt vel. Men no er det offisielt: SFO ER STRENGT. Berre sjå på brevet!

Det har jo vore nokre foreldre som har ymta om det samme tidlegare. Kanskje særleg foreldre som ikkje forstår at dei reglane ein har heime ikkje nødvendigvis fungerer når 50-60 born skal vere saman...

Til alle som måtte lure: Ja, SFO er kanskje strengt, men det må vere så pass. Og så er det stengt nokre dagar i ferien også;)

Tips om give-away

2011-05-24T18:49:00.002+02:00

Kristines skriblerier har give-away med aloe vera-produkt! Stikk innom, då vel:) Eg har sjølv prøvd fleire av produkta, og det er gode saker.

Hurra for meg;)

2011-05-23T22:12:00.005+02:00

Eg må vel berre nemne det... I dag er eg sikkert definert som vaksen. 40 år er vel ein ok alder? Det har ikkje hatt stor effekt på korleis eg kjenner meg! I går hadde vi familieselskap, med 2o flotte menneske som ville vere med på å markere min store dag:)

På menyen stod relativt sjølvkomponert Stroganoffgryte, salat, foccaciabrød og små saltbakte poteter. Og så kaker og dessertar, sjølvsagt. I dag kom gubben heim med ein diger bukett! Han har ikkje fått handle gåve til meg, for eg vil gjerne ha ein goretex/regndress, og då må vi nok på butikken ilag. Men eg fekk mykje anna eg ønska meg i går!

Eg kan nemne: dobbelt vaffeljern, snö-smykke, ølglas (som eg kjem til å bruke mest til brus...), pc-ryggsekk, gåvekort, stilige lysestakar, softshell-jakke....

I dag fekk eg ei diger plante frå kollegaene mine, roser frå gubben, og ein orkide frå tanta mi i nabohuset, som fylte 65 i går:) Eg elskar orkidear! No har eg 5 som blomstrar, og ein som ikkje blomstrar no. Enkle, lettstelte, stilige!

Dessverre har handleddet meldt pass. Det er akkurat som for 7 mnd sidan, brått og utan forvarsel kom ei stikkande smerte i handleddet. Handa er så vond å bevege at eg helst let det vere. Eg har teke på støttebandasje, og reknar med at det kan gå over om nokre dagar. Sist gjekk eg forresten til lege og fekk medusin. Kanskje eg skal vurdere det?

No veks planane snart over haudet på meg!

2011-05-20T13:06:00.001+02:00

Eg har stadig nye ting eg vil lage. Og så gløymer eg dei nesten like fort....

Akkurat no har eg til og med garn til fleire prosjekt, så det er jo berre å strikke i vei!

Eg har garn, mønster og klar plan:
Islendar til gubben (Mitu)
Tunika til meg sjølv (Mitu)

Og eg har garn utan heilt å ha konkludert, men eg trur Cotton Light skal verte ein kjole til minstemor igjen... Eller ein tunika.

17.mai kom eg igjen på at eg burde strikka eit stort svart sjal, som kan vere nøytralt nok til å varme utanpå bunaden.
I tillegg burde eg strikke nye bunadstrømper til gubben, for dei han har er faktisk litt store i foten, og dessutan har dei blitt misfarga av bunadskorne. Eg trur nok at det blir å klippe av og strikke ny fot, eg er ikkje såååå glad å strikke i havskum-mønster.

Dessutan har eg tenkt at eg kunne strikke ein genser til yngste tantebarnet, kanskje til bursdagen?
Gubben har forresten aldri funne den "rette" lua, det er alltid noko gale med dei han har.

Men før eg kan gjere noko anna, må eg strikke ferdig ein topp til meg sjølv. No har eg rekt opp att fleire gongar, så eg er eigentleg litt lei av heile prosjektet, men eg skal bli ferdig etterkvart!

Folkehøgskule burde vere obligatorisk!

2011-05-19T18:00:00.001+02:00

Eg er ein varm tilhengar av folkehøgskule. Det har kanskje noko med at eg hadde eit fint opphald på Sagavoll for 20 år sidan. Musikanten min har no hatt eit flott år på Rønningen.

Sist helg fekk eg og pappaen til Musikanten bli med på avslutningssamling på Rønningen. Det var ei verdig avslutning på året. Under ser du alle elevane på scenen samtidig, i skulekoret.

No er dei fleste elevane reiste heim, og det var mange tårer å sjå før avreise! Men Musikanten min er der enno:) Han er nemlig med på Ten Sing Norway, og dei skal ha eit par eksamenar før dei tek sommar. Så dei er ca 20 kjekke ungdomar som framleis bur på Rønningen, og skal jobbe med studier. Jaja, det vert vel litt av det også;) Kanskje vert det meir lesing etterkvart som eksamen nærmar seg meir og meir....
Stram kar i Sunnmørsbunad:)

Såpekokarar...

2011-05-18T22:11:00.006+02:00

Å vere ein såpekokar har ikkje vore noko heiderstittel. I alle fall her lokalt er det å vere ein såpekokar ganske negativt lada, det vert gjerne nytta om nokon som ikkje gjer noko fornuftig, eller berre surrar rundt med småting? Andre tolkingar må gjerne meldast inn:)

Men i dag har vi prøvd å vere ekte såpekokarar. Eller såpestøyparar, kanskje. Eg trur eg har fått ein ny hobby, og eg er redd det kan bli heimelaga såper i gåver til mange framover;) Dette var kjempestas, og så enkelt at to stk prinsesser kosa seg og ville assistere. Ei stund, i det minste.... Etterkvart frista leikeplassen ute meir:)

Det var Hareid og Ulstein Venstre som stod bak arrangementet, men to dyktige damer frå Giske Venstre hadde kompetansen og lærte oss korleis såper kan bli til. Og så lærte vi at mange av dei industrielt framstilte såpene er utan glyserin, og at glyserin er viktig fordi det kan halde på fuktigheit. Dermed vert våre såper med glyserin betre for tørre hender.

Eg kjøpte med meg litt såpebase, parfyme og fargestoff, og kjem til å organisere meir såpekoking på heimebane om nokre månader. Vi må nok fyrst bruke litt av alle såpene vi har! Og så må eg investere i silikonformer:) Det fins jo så mange fine kakeformer, og det gjer ingenting å bruke dei til såpe av og til! Men eg vil kanskje anbefale å vaske vekk såpa godt... Eg trur ikkje muffins med sjokoladebitar og såpesmak vil bli ein stor slager.

Restegarns-Multnomah

2011-05-18T12:29:00.000+02:00

I mai fekk vi som vankar på Hobbyboden i oppgåve å strikke sjal av ei eller anna type. Eg romsterte i strikkekorga mi og kom over litt restar av Plumet og Kid Silk, trur eg... I alle fall kom eg kjapt til at dette kan bli eit sjal:) På biletet er det verken blokka eller glatta ut på anna vis, men du får eit inntrykk... Så sukkersøtt sjal har eg aldri hatt, og eg ser ikkje for meg at eg kjem til å slite det ut. Men kanskje kan ei av jentene like det? Dei likar vanlegvis rosa!

Det er Norge i rødt, hvitt og blått- Nei, vått, var det!

2011-05-17T22:06:00.003+02:00

Det er jo fint å feire 17.mai! Dei siste åra har barnetoget gått kl 12, mot kl 10 tidlegare. Det betyr at vi har "fått" god til om morgonen, så her har vi endeleg tid til å ete god frukost før vi dreg på oss bunadane. No er Musikanten i Tigerstaden, så vi har ikkje nokon som skal ut og marsjere her heime. Etter ein god frukost er det heilt greitt å gå ut på tur i fint ver. Dessverre er det ikkje alltid fint ver på Sunnmøre...

I dag var det nokre skikkelege byger, mellom anna før toget starta og under leikane på stadion. Det var litt kjedeleg, jentene vart kalde og hadde sjølvsagt ikkje ein så fin dag som dei kunne hatt. Men is skulle dei ha... Dei stod ute ved stadion og åt is, medan dei skalv av kulde. Heldigvis var programmet ute kortvarig, og etter at Fantetoget hadde kasta store mengder karameller til ivrige born, fekk vi finne varmen på bedehuset. Nydeleg brennsnut varmar godt:)

Og sidan vi var av dei siste gjestane på bedehuset, var det plass til å klatre og leike litt også... Eg har dei søtaste jentene i verda:)

Ettermiddagsbesøk av systra mi med sambo og medbrakt kake og strikketøy, det er ikkje dumt:)

Ein fin dag, rett og slett!

Teppe nummer to:)

2011-05-03T19:38:00.004+02:00

No har eg gjort kål på nesten alt av superwash-restar! Herlig:) Og med pinnar nr 6,5 går det kjapt unna. På det forrige teppet til Nepal strikka eg berre ei rille i kvar farge, men det vart mange trådar å feste til slutt.... Så no strikka eg litt lenger av kvar farge.

Teppet fekk ein brei heklekant til slutt. På bildet ser teppet både skeivt og rart ut, men det var berre fordi eg ikkje tok meg tid til å rette på det før eg knipsa... Det som er mest fascinerende er at begge teppa er strikka på slump, med ulikt garn og ikkje eingong likt masketal. Men på vekta er dei dønn like! Eg trudde det måtte vere feil, og leita fram att det fyrste for å kontrollvege. Og resultatet er det samme: Begge teppa veg 390 gram. Ok, 389 og 392. Men eg rundar alltid av til næraste heile tiar;)

No er det klart, vaska og bretta, og så skal eg pakke dei to teppa ilag og sende dei til "teppeJorunn", som vidaresender til Nepal etterkvart.

Har du lyst til å bidra, kan du finne meir her:
Nepaltepper.

Mitu....

2011-05-02T23:26:00.003+02:00

I dag var eg på strikkekafe på Trådkråa. Det vart ikkje strikka ei maske, for eg var ikkje heilt i modus til å sette meg ned og strikke når det var strålande sol ute... Men sidan det var 20% avslag på alt garn, måtte eg jo ta med meg litt! Gubben har snakka om at han kunne tenkt seg ein islendar, så då er jo det eit mogleg prosjekt.

Innehavar Barbro på Trådkråa har ganske god oversikt over kva som fins, så ho kom kjapt med oppskrift på islendar strikka i Mitu. Det garnet har eg aldri prøvd før, men eg blir tiltrekt av blandinga av ull og alpakka. Så då får eg prøve det no.

Men då eg bladde i heftet, kom eg over eit mønster eg har vurdert til meg sjølv. Ein enkel tunika med rundfelling og stjernemønster i rundfellingsfeltet. Jammen vart det med nok Mitu til å strikke den også... Sjølv om oppskrifta var meint til pt5. Mitu var så mjukt og deilig, eg berre måtte!!

Teppe til Nepal

2011-04-29T14:18:00.000+02:00

Eg har vore litt treg, for eg har vel berre oversett dei som strikkar babyteppe til Nepal. Men i påska vart eg utfordra meir direkte, og fann ut at eg kan jo sjølvsagt bruke noko restegarn på ein fornuftig måte. Nepaltepper er ein smart blogg, og når du ser bileta og les litt om prosjektet er det vanskeleg å la vere å strikke. Alle dei nyfødde ved dette eine sjukehuset får med seg eit babyteppe, så langt det rekk.... Så då er det vel berre å sørge for at leveransane held seg oppe?

Eg likar ikkje å feste saman lappar, men om du vil, er dei takknemlege for lappar også. Eg enda med å strikke eit heilt teppe, og har det andre på pinnane no.