Perfekt ver for inneaktivitet!

No er det nesten haust på Sunnmøre! I dag er det sidelengs regn og 12 grader. Det er ypperlig ver til å vere inne i. Så no har eg baka og kosa meg inne:) Det er kjekt med familie på besøk i nabohuset også, så borna spring mellom husa og har det eigentleg ganske fint.

I slikt ver er det kos å lage mat! Så no har eg baka aniskringler og bollar, og vi har gjort eit godt forsøk på å ete dei opp. Det vart litt til overs, så eg har litt i bakhand til ein annan dag også!



Eg vurderte ei stund om eg skulle plukke fram perler eller symaskin. I dag vann perlene. Så eg har laga nokre maskemarkørar, to kan vere nøkkelring om det skulle passe betre. Eller markørar for svært tjukke pinnar!


Det er koselig pusle-arbeid, dette. Eg har ikkje alt utstyr som eg kunne tenkt meg, men etter å ha prøvd nokre gongar, trur eg at eg får det til... Så får vi sjå om neste produksjon vert annleis:)