Gode hjelparar og god trekning

Eg har hatt tre jenter i full aktivitet. Det vart ein lengre prosess enn eg hadde tenkt, denne trekninga... Eg hadde 56 lappar på stovebordet, og jentene oppdaga at eg hadde LODD! Dei to som bur i huset er vande med at mamma gjer mykje rart, men ho som var på besøk lurte veldig på kva ho skulle vinne. Ho hadde store vanskar med å fatte at det ikkje var eit einaste lodd med hennar namn på...Då eg viste fram gevinsten vart ho enda lengre i maska. Og ho lurte på om eg hadde hatt ein annan ting, ein skikkeleg premie, dersom ho hadde vunne:) Heldigvis var det ikkje ho som vann. Derimot var det Wigdis som vart trekt ut i siste runde.

Vi måtte nemlig ha fleire omgongar, nesten som i VM, innleiande runder og finaletrekning!

Garnet er kjøpt i Riga, så det er eksklusive greier! Ei blanding av bomull med viskose, så det er litt blankt. Pakken skal gå i posten i morgon!