Stormen Dagmar tok ansvar for ein del "skogrydding" i jula. Det vart ein god del arbeid til gubben og svogeren vår, i skogen som høyrer til garden. Dei har vore der mange laurdagar, og i dag tok vi ein heil storfamiliepiknikk der:) Det har jo kome ein heil del snø dei siste par dagane, og det var tildels fint ver i dag. Nokre snøbyger har det jo vore, men det var kjempekoseleg i skogkanten!
Vi hadde med oss appelsiner og Kvikk Lunsj, grillpølser og marsmallows, vi kokte kaffe på bålet, og minstejenta som var med, eit tantebarn på 2, sov ei økt under granene. Ho hadde det ganske fint, på liggeunderlag og med teppe over seg:) Nesten så ein skulle ha prøvd sjølv!
I dag var vi: mormora og morfaren, tre store døtre, to ektemenn, og 5 born i alderen 2 til 21... Rett nok hadde vi lånt ei jente, men ho passa fint inn i flokken.
Jammen er det fint å vere heime i påskeferien!
Ingen kommentarer:
Legg inn en kommentar