søndag 13. mars 2011

Litt nytt om mangt:)

Av og til er det ekstra kjekt å opne postkassa. I går vart det brått slik! Eg hadde ikkje venta å få noko anna enn avisa og kanskje ei rekning... Men så var det ein pakke der! AnitaK har ei flink turnjente, og for nokre veker sidan var dei her i bygda på turnkonkurranse. Det gjorde at lokalavisa fekk noko meir å skrive om:) Og sidan det var eit bilete av AnitaK si jente, sende eg avisa til henne. Eg syns vel at det var ei stor takkegåve for ei avis eg hadde lese ferdig, men eg har sjølvsagt ingenting imot garn som eg ikkje har sett før;) Nydeleg farge! Tusen takk, Anita!
Og så kan du kanskje sjå på det eine biletet i montasjen at eg viser fram lange negler? Eg har aldri hatt pålimte negler før, og syns det var gøy å prøve. Men dei varte ikkje heile kvelden, eg klipte dei ein god del kortare etterkvart.... Framleis er dei lange nok til å vere litt jålete!
Eg gjer, som så mange andre, stadig impulskjøp av garn;) Dette garnet vart med heim etter ein tur til Florø. Det er Incawool frå Hjertegarn, tjukt og mjukt.
Kjerstrikk hadde ei oppskrift på tova vottar, og den fungerte fint til Incawool. Men garnet tova fryktelig lett, så sjølv om eg tenkte at eg skulle ta det forsiktig, tova vottane litt i overkant... Det er ikkje så smart at eg har ny vaskemaskin heller, så eg har ikkje heilt kontroll over korleis den tovar. Vottane er stort sett passe til minstemor, så ho er glad:)
I natt har vi hatt ei ekstra jente på overnattingsbesøk. Det var stor stas, og dei har kosa seg. Etter mange timar med ds-speling vart det heldigvis fleirtal for ein tur ut. Dei gjekk litt på ski, og leika i snøen ei stund. Eg vurderte om eg skulle legge inn biletet av knall og fall, men fann ut at det var greitt med eit bilete der alle tre står på beina;) Vottane flaug like etter dette biletet vart knipsa, og ei av jentene måtte ha hjelp til å stable seg på beina igjen.....



Posted by Picasa

6 kommentarer:

mimouna sa...

Alltid kjekt med nytt garn!

Regnbuevottene ble veldig fine, og så er det greit å ha hender i ulike størrelser i familien. Da passer heldigvis det meste til noen selv om det tover litt for mye. :o)

God søndag!

Sidselsidserk sa...

Garn for en jo aldri nok av så du er heldig:-)
Rart hvor forskjellig garn tover, Incawool har jeg aldri strikket av så det var greit at du testet det ut;)

Rigmor sa...

grattis med garnet, det er kjempe mykt og godt! Vottene ble også flotte, skikkelig spreke i fargene. Å lufte seg etter Ds spilling er deilig (og godt). ha en flott søndag og ny uke!

sipusa sa...

Å! Pakke i posten ja, det er jo bare supert:-D og så garnpakke i tillegg! Lenge siden jeg har fått....huff må slutte å tenke på det og ikke gå på noe nettbutikk hehe

Fine votter ble det også, heldige minstejenta!!

Greta sa...

Alltid spennde med garn i posten. og spesilet når det kjem overaskende og eit garn ein ikkje ahr prøvd før.
Nydelig vottene til minstemor. Eg har skjønt at det er litt skummelt og tove så det får andre ta seg av. klem

tintin-44 sa...

Så hyggelig garn-gave! Spennende med nye garntyper.
Når det gjelder toving er jeg alltid så pysete, tar alltid for lite i, slik at det blir to turer i maskinen.