Tirsdag kveld

Det er kveld i heimen. Tida etter at jentene er i seng og før eg sjølv må tusle til køys, er gull verdt. Det er no eg kan rydde litt, kanskje legge saman ein haug klede, planlegge morgondagen og surfe på verdsveven:) Og etterkvart vert det kanskje litt tid til å strikke også.

I dag skulle eg gjerne lagt ut bilete av det nye skjerfet til minstemor. Ho ville også ha skjerf, då ho såg mitt nyaste. Det skulle vere rosa, lilla og rosa! Hmmm, då var det berre å plukke fram litt garn og la sjefen velge. Ho var ikkje i tvil då ho såg garnet som storesystra nettopp fekk sokkar av. Det er jo rosa og lilla så det held! I dag fauk ho ut døra med nytt skjerf, utan at eg hadde teke bilete... Og skjerfet ligg att i barnehagen. Jaja, det var ikkje så avansert, akkurat:)

Elles fekk eg ein ny morsom mail i dag. Det er ikkje alle bileta som er like truverdige, men dette er berre herleg:
Skal vi sjå om dette blir den nye farsotten?

Haha!!

Forleden da jeg sad på en hyggelig café, mærkede jeg pludselig, at jeg havde frygtelig meget luft i maven.

Musikken var høj – meget høj, så jeg sørgede bare for at ”slippe luften ud”, så det passede med musikkens rytme.

Det tog et stykke tid, men i løbet af et par sange lettede det virkelig så meget, at jeg følte mig utroligt meget bedre tilpas. Jeg drak min kaffe op og opdagede pludselig, at alle i caféen stirrede på mig…………….

Og det var i dét øjeblik, det stod klart for mig, at jeg sad og lyttede til min iPod!!!

Karius er på plass:)

Eg fekk så nydelig garn frå Iris, og eg måtte lage noko som viser litt meir enn sokkar.... Palett har flotte fargar! Eg er ikkje så begeistra for alle fargane sånn heilt åleine, men eg godkjenner den samla pakken her:)

1 stk Karius-skjerf på pinne 4, og det er jo veldig enkelt å strikke! Poenget er å starte med tre masker, og så auke ei maske kvar 4.pinne, og berre i starten av omgangen. Strikk til du anten har brukt halvparten av garnet eller til skjerfet er halvparten så langt som du vil, og så feller du ei maske kvar 4.omgong til du er tilbake til tre masker.

Eg trur eg kjem til å ha på meg dette til den svarte gensaren i morgon!

Dagleglivets små absurditetar

Eg har tidlegare vist bilete av både katt og kanin, i dag har eg ikkje nye bilete.

Derimot kan eg fortelle om kor nydelig kaninen var då eg bar han ut att i uteburet sitt i kveld. Medan eg gjekk, klatra Trampe oppover og slikka meg på halsen:) Han er rett og slett ganske søt. Og så sette eg han inn i buret, gjekk inn att og mata katten. Pus får stort sett Friskies tørrfor, men vi har alltid nokre posar Whiskas våtfor i skapet. I dag tok eg ein pose og serverte Pus, og vart ståande og filosofere over det absurde i at eg serverer Pus kanin....

Eg vann!

Eg er heldig!
I dag kom det ein pakke i postkassa mi. Utanpå var den grå og kjedeleg, som pakkar brukar å vere. Eg brukte ei stund på å tenke på om eg kan vite noko om avsendaren, sidan adressa avslørte at ho bur i same bygd som mi svigermor kjem frå...

Pakken inni gråpapiret var meir sjarmerande, og innhaldet er jo heilt supert!

Eg har aldri testa Sterk, det relativt nye garnet som skal egne seg til så mangt, også sokkar. Mjukt og godt, med alpakka og merinoull, og 20 % nylon.

Sjå, så søte rosa flodhestar! Og to Hello Kitty-knappar, dei vil nok bli populære! Det blåturkise i venstre kant er to markørar med karabinkrok, noko eg ikkje har frå før.

Kva gjer at eg har gjort meg fortent til å få ein så fin pakke? Berre flaks, og eit besøk hos bloggen til Jaja74, og så vart eg den heldige vinnar av jubileumstrekninga hennar. Tusen takk, Jaja74!

Tonje Glimmerdal heldt meg våken i natt!

Om du har born, vil eg håpe at du har sett bøkene til Maria Parr: "Vaffelhjarte" og den nye "Tonje Glimmerdal". Om du ikkje har born i rett alder, bør det ikkje hindre deg i å lese og nyte desse bøkene. No må eg innrømme at eg ikkje har lest Vaffelhjarte, men eg klarte ikkje å legge frå meg boka om Glimmerdalens vesle dunder, Tonje Glimmerdal.

Det er som ei moderne Pippi, iblanda litt meir. Boka er morsom, rørande, engasjerende. Og eg kosa meg over godt språk, på nynorsk. Mange av orda er slike eg nesten har gløymt, men som ligg i genene;)

Besøk Samlaget sine sider for å sjå meir!

Sååå trøytt

Når du kan sove ståande, då er du sliten:) Minstemor er av og til sååå trøytt etter ein dag i barnehagen! Og nokre gongar sloknar ho på sofaen medan mamma lagar middag. Andre dagar klarer ho å halde seg våken til leggetid.

Og andre gongar er det mogleg å sovne ståande.

Rett nok kviler ho mykje av overkroppen på bordet, og stolen bak rumpa gjer at ho ikkje glir bakover. Men likevel....

Sløv søndag

Musikanten min har hatt ei travel helg igjen. Som om det var noko nytt? Denne helga har han vore med på arrangere ei øvingshelg, og då måtte mora vere brannvakt frå 01.00 til 04.00 i natt. Ikkje så ille å ha den vakta, eigentleg... Ungdomane hadde knapt lagt seg då eg var ferdig og kunne gå heim;) Men eg rakk å strikke ferdig eit par sokkar til minstemor. Dei tok ho i bruk straks eg fekk festa trådane i dag. Sidan eg var relativt seint i seng, fekk eg sove lenge i dag. Då vert eg liksom litt ute av rute resten av dagen.... Men det er jo kjekt også!

I går var det Ungdommens Kulturmønstring, og Musikanten var ein av dommarane. I tillegg fekk han det kommunen her kallar "Ungdommens kulturpris" for 2009, som inkluderer 10.000 kroner! Stas:)


Dei nye sokkane er friske i fargane:)

I dag har vi hatt verden beste søndagsmiddag: sosakjøt! Enkelt å lage, men festmat her i heimen. Minstemor vil gjerne ha mjukt kjøt, og då er sosakjøt perfekt etter 3 timar i gryta;)

Hemmeleg venn-gåve

I dag fekk eg gåve frå januar-runda av Hemmeleg venn! Eg har venta ei stund, og veit at det er Iris som har sendt denne pakken til meg. Ho beklaga for nokre dagar sidan at pakken hadde blitt liggande i baksetet av bilen, etter at mannen hadde fått oppdraget å sende den... Typisk mannfolk;)
Men som eg sa til Iris: Den som ventar på noko godt, kan tole å vente litt. Og det var ein flott pakke som dumpa inn i postkassa mi i dag!


To nøster Frøya, det må bli sokkar eller noko anna lekkert til mi minste prinsesse som heiter det same:) Nydelige jentefargar!

Men det neste nøstet kan ikkje bli sokkar, det går eg ikkje med på:) Oppskrifta på baksida av magebeltet gir heilt sikkert flotte sokkar, men garnet er rett og slett for lekkert til å bli trakka på! Kva eg skal lage veit eg ikkje enno, men eg må sjekke litt kva andre har laga av Sandnes Mini Palett-garn. Det er sikkert godt mogleg å strikke skjerf eller sjal av det, eller pulsvarmarar, leggvarmarar, babygenser.... Who knows?

Tusen takk for det lekre garnet, Iris!!

Dagens kloke ord

I koret mitt fekk vi utdelt ein ny note forrige øving. Det gjer vi av og til:) Og nokre gongar vert eg litt glad i desse songane. Det er ei spesiell direkte kontakt frå song til hjarte, det er eg heilt sikker på. Denne siste teksta må eg berre dele med folket:

Treng ikkje orda dine,
akurat no treng eg meire enn ord.
I dag har eg bruk for ei hand, kjære bror,
som vil halda kring hendene mine.

Treng ikkje råda dine,
treng ikkje kunnskap om framtida mi,
i dag har eg bruk for ein ven som har tid
til å halda kring hendene mine.

Treng ikkje svara dine,
spør ikkje heller om det som skal skje,
i dag treng eg ein som vil bøya seg ned,
for å halda kring hendene mine.

Teksta er av Haldis Reigstad. Inga dum dame det:)

Jentekveld:)

I dag har eg vore på jentekveld på Ulstein hotell:) God ide, rett og slett! Magne frå Luksusfellen har mykje peiling på personleg økonomi. Han jobbar i Sparebank1 vanligvis, men får vise seg fram på tv av og til... I kveld snakka han om økonomi, sparing, pensjon etc for ein stappfull kinosal. Og etterpå var det nydelig tapas til alle jentene som hadde meldt seg på. Eg er mett og glad, og har alt sjekka Sifo sitt enkle standardbudsjett som gav meg støtte i at eg får "lov" til å bruke mykje av inntekta mi på å handle mat og daglegvarer... Det går mykje pengar til mat, men det må det nok også, når vi er 3 vaksne og 2 prinsesser i heimen.

Elles hadde han nokre enkle råd. Vi veit om dei fleste, og lever nok etter dei også. I alle fall stort sett. Dagens mest opplagte råd var: Skriv handleliste og unngå impulskjøpa. Gjer innkjøpa på butikk, altså ikkje på bensinstasjonen... Og send helst mannen i huset for å handle, for han likar ikkje å handle, og vil gjere unna handelen utan å falle for altfor mange fristelsar på vegen:) Det stemmer bra her i huset!

Han tok også med nokre erfaringar frå mellom anna luksusfellen. Dei som har økonomiske vanskar, har gjerne den største og nyaste flatskjermen. Det er klassisk at dei har hatt mykje pengar ein gong, etter arv/gevinst/overskot av hussalg, vanskane brukar å henge saman med usunne forbruksvanar, og dei kjøper gjerne kvitevarer på avbetaling.

Så det så.

Jammen godt at vi ikkje har den største flatskjermen:)

Little sister dress

Denne er vel søt, vel:)Little sister dress har vore på lista mi ei lang stund, men no har eg ei lita tantejente å strikke den til! Etter litt stussing kom eg til at eg ville teste Debbie Bliss Baby Cashmerino. Det vart eit godt val. Garnet var mørkare rosa enn eg hadde tenkt, men resultatet vart bra, syns eg.

Gullungen min på 3 år ville også ha slik kjole... Ho syns stort sett at alt er fint, men ho vil ikkje nødvendigvis bruke det likevel. Om ho skulle hatt ein slik, måtte det bli med MYKJE ekstra vidde i skjørtet. Trur eg skal la det kvile ei stund, ho ombestemmer seg ganske ofte;)

Kjolen er strikka i str. 3 mnd, men eg trur den vil vere litt stor enno. Det går jo over!

Tora Frøseth Design og kjolen kan du finne her!

Skulle nok ha vore heimeverande husmor

Eg har for så vidt ikkje noko imot å jobbe, det er ikkje det... Men om eg hadde vore heimeverande husmor hadde det blitt mykje tid til å strikke, lage mat, bake, stryke klede og gå på kafe;)
Kvar gong eg har vore heimeverande med baby har mykje av tida nødvendigvis gått til babyen, slik at eg går ut frå at det hadde blitt mykje meir tid om eg var heime no. Kanskje.

Men så er det noko med at vi klarer å få tid til det vi vil, i alle fall i stor grad. Eg får aldri tid til å trene, men det er vel berre ei stadfesting av at vi får tid til det vi vil...

Brødbaking hadde blitt prioritert dersom eg hadde meir tid. I går laga eg rett og slett veldig gode brød! Og kvifor dei vart så gode? Jau, eg brukte laaaang tid.

Eg starta dagen før, med å lage ei fordeig, ei blanding av mjøl, vatn og ein bitteliten bit gjær. Dette stod i eit heilt døgn i kjøleskapet, fordi eg veit at eg ikkje rekk å tenke på slikt om morgonen. Den kunne stått ein dag på benken, det hadde vore nok.

Så laga eg deig etter jobb, med ein pakke ferdig havrebrødmix, litt kli, litt grovbakstmjøl, litt grov rug, kveitemjøl og knuste solsikkefrø, linfrø og sesamfrø. Jentene vil ikkje ha "ting" i brøda, så no prøver eg å kamuflere det grove og "tinga" slik at dei et likevel...

Faren min fylte 67 år i går, så vi var i eit hyggeleg selskap der. Medan eg var borte, fekk den store deiga kose seg i kjøleskapet. Etter 4 timar baka eg ut brød, og dei fekk stå til heving på benken i 2 timar, og sidan eg hadde 6 brød måtte 3 av dei vente enda lenger:) Resultatet vart veldig godt! Luftige og gode brød, med god smak og konsistens.

Så no har eg tenkt at eg burde nok ha meir tid til å bake, sidan det er tida som er avgjerande for å få dette slik eg vil. Men ideelt sett kunne eg jo jobba mellom 10.00 og 14.00! Då kunne eg sett brøddeig før eg gjekk på jobb, og baka ut brød etter jobb. God plan? Javisst, eg må berre forte meg å levere inn tippekupongen;)

Utmerking til meg:)

Eg har fått ei utmerking frå Tove! Det er kjekt å få slike, og som ein del av utmerkinga skal eg fortelle 7 ting om meg sjølv:)


Her er litt om meg:
*Mamma til dei tre herligaste borna i verda
*Heimekjær
*Syng i kor
*Brukar litt for mykje tid ved pc-en
*Elskar sjokolade, men også det meste anna
*Veldig glad i å strikke, men brukar langt meir tid på klesvask...
*Kunne tenkt meg å få til å sy med symaskina, men har resignert!

Onsdagskveld

Onsdag er House-kveld. Gubben er heldigvis på fotballtrening, for han syns House er ein pompøs dust, noko som for så vidt stemmer. Men i dag er det jo så trist! Unge legar som vi har blitt kjent med skal ikkje døy! Det er liksom imot reglane... Dessutan er det vel litt feil at House sjølv er alvorleg skada, skal han også stryke med??

Uansett har eg rigga meg til godt her. Med godt brød og godt smør er det ikkje behov for meir pålegg. Og god te i koppen, det gjer susen! Blomstrane på bordet er fine å sjå på, eg trur ikkje eg skal smake på dei. Det tek kanina seg av når ho får ein sjanse;)


Elles har eg kome eit godt stykke på Little Sisters Dress, til tantejenta mi;)
Samtidig studerer eg litt i boka Hekleglede, som eg var smart nok til å bestille på biblioteket! Dei har ikkje alt mogleg her, men dei kan skaffe alt! Eg vurderte ei stund å kjøpe nokre av bøkene som frista meg i ei tilbodsblekke som kom i posten. Det er berre det at eg vanlegvis kjøper ei bok fordi eg er nysgjerrig, men sjeldan endar med å finne noko eg MÅ lage. Så no kan eg kose meg med bøkene, og levere dei tilbake når eg er lei...