mandag 29. desember 2008

To varmande nyheiter: Ny micro og nytt skjerf


No sit eg her med fyr i omnen og te i koppen. Teen er varma i julegåva vår: Ein ny microbølgeomn. Den gamle var straks 18 år, og litt ustabil. No har vi fått crisp-funksjon, steamkoking og diverse. Det vert ikkje laga nyttårsmiddag i den, men eg skal nok steike pizza ein dag for å teste!

Eg har fått nytt garn i gåve, og måtte prøve å strikke noko av det! To nøste frå Annie har no blitt eit Baktus-skjerf. Det er mange på Hobbyboden som har strikka desse, i glattstrikk eller riller. Eg starta med glattstrikk, men rekte opp att og strikka riller. Glattstrikk rullar seg sånn saman!

Dette garnet er Bris frå Gjestal, 50% ull og 50% soya. Det høyrest rart ut, men garnet er deilig! Mjukt og godt. Det er relativt tjukt, eg brukte pinnar 6 på dette sjalet. Oppskrift? Det er så lett at det er morsomt:
Legg opp tre masker. Strikk anten riller eller glattstrikk, auk kvar 4 omgang, ei maske i den eine sida. Eg brukte to nøste, så då eg var komen til slutten på det fyrste nøstet, starta eg fellinga. To masker saman, kvar 4. omgang. Vips, så har du eit skjerf;)

I dag har vi vore på Barnas Lekeland. Det var morsomt for borna, og OK for foreldra også. Eg vart litt nervøs då minstemor stakk av i den delen som var meint for dei eldste borna. Ho klarte seg fint, men det var ikkje meininga at 2-åringar skulle herje der...

4 kommentarer:

Inghild sa...

Vakkert skjerf, likte godt fargene!

solveig sa...

Eg laga pizza i min micro berre for å prøve. Det gjekk heilt fint, men det er nok andre mengder som skal til her foreløbig...

turvid sa...

Nydelig skjerf!

Madevik sa...

Det var ett fint skjerf i fiiina färger! Bris är ett härligt garn.
Och grattis till ny micro :-) Känner att jag blir lite misunnelig, vår är nog inte 18 år, men den börjar nog närma sig 15...

Ha en fin fortsättning på romjulen och ett Gott Nytt 2009!