Herlig! På den varmaste dagen hittil i sommar får kjølehjørnet feber. Det jobbar for fullt, men klarer ikkje å kjøle. Dermed måtte eg springe tulling og ringe fleire instansar før eg fekk kontakt med ein reperatørmann. Han ville ikkje kome før han hadde snakka med leverandøren som henviste meg til han... og samtidig sprang eg opp på loftet og sette i kontakta på det gamle kjøleskapet som eg ikkje har kasta ut. Der er det i alle fall plass til litt av det som bør ha det kjøleg i desse dagar.
Gubben var litt skuffa då han kom att frå fotballtrening i kveld, og fann ut at pilsen hadde blitt igjen i varmeskapet;)
Eg ventar i spenning på om det kjem til å ordne seg med reperatør eller nye delar før helga. Truleg ikkje... Og om vi får det på garantien? Det er nemlig ikkje fyrste gong det skjer slikt, og det er jo alltid på dei varmaste dagane.
I dag har eg debutert i kommunestyret også. Eg er 2. vara, og har klart å unngå å møte før. I dag var det til og med sommaravslutning, med rømmegraut midt i møtet. Det var ein fin kveld, eigentleg, men eg skulle gjerne ha brukt kvelden ute i det herlege veret.
Forresten er det sikkert like bra at eg måtte gå inn, for eg kjenner at eg solbrent på venstre side av begge beina! Eg sat litt for lenge på stranda og såg på borna som leika seg i vatnet. Litt merkeleg at dei ikkje syntes det var kaldt, for eg meinte det absolutt var for kaldt til å bade skikkeleg. Vasse er ok, men når vatnet når til midt på låret, då skal du ha takk. Eg er nok ei skikkeleg pyse....
3 kommentarer:
Uff. Jeg har også oplevet breakdown af køleskabet engang. EN HEL UGE midt i sommeren var vi uden køleskab, for jeg havde ikke lige et ekstra på loftet :o)
Det var rædsomt! Forhåbentlig får du snart dit nye køleskab til at fungere igen.
Det er sjovt med børn og det kolde vand på stranden. De kan være helt blåfrosne på læberne og ryste over hele kroppen, men "det er ikke koldt" ;o)
God sommer til dig og resten af familien!
Hei.Jeg har ikke vært inn på bloggen din før nå.Det er så kjekt og se att det er så mange kreative folk i Norge.Ha en fin Sommerhelg.Bodil
Aiaiai....varmt kjleskap i varmen høres veldig lite tiltalende ut, men gratulerer med politikken!
Legg inn en kommentar