Besøk på legevakta

"Ikkje putt erter i nasa, sa mamma før ho gjekk. Det hadde eg aldri tenkt på, så det gjorde eg."

Eller kanskje var det heilt på eige initiativ.... I alle fall kom minstemor på 2,5 år og spurde om eg kunne ta ut att perla i nasa. Det var ikkje så lett som å få den inn. Det gjekk nokre timar med stussing før vi bestemte oss for å for det fyrste tru på at det var noko der, og for det andre kontakte lege og høyre om det burde sjekkast. Vi såg jo ikkje noko!

Men heldigvis fekk vi kome til ein svært hyggeleg og dyktig lege, som ganske fort kom til at jenta har rett, det er ei perle der. Og der kan den ikkje vere. Så han fekk fiska den ut att. Det vart litt blod og tårer, for perla hadde lagt seg godt på plass, langt inne i nasa. No har gullungen fått med seg ei gul nabbyperle i eit prøveglas, for å ha bevis:)

Jammen godt at vi fekk gjort det i dag, så vi slapp å oppsøke ein tyrkisk lege om nokre dagar.

I dag har eg byrja å pakke, og i morgon må eg nok berre bli ferdig! Flyet går i morgon kveld, så no reiser vi til sol og varme:)

Musikanten kom heim frå Molde jazzfestival i dag, og har alt henta kjæresten sin hit. Ingen fare for at huset vert ståande tomt, nei!