Endeleg ein skikkeleg sommardag!

Tenk at vi skulle få ein slik dag! Det er luksus:) Sjølv om det gjerne skulle ha skjedd nokre veker før... No er det nemlig jobb igjen, og ingen store sjansar til å nyte sola på dagtid.

Heldig er Prinsessa som har tanter som vil låne henne! Ho fekk vere på besøk hos syskenborn i dag, og har bada, leika i vasspreiar-strålen og kosa seg i det nydelege veret. Det vart til og med overnatting:)

Men eg har kosa meg med kameraet ute.

 

Det blomstar alle stadar! Og vi har eit håp om å få eple og moreller frå eigne tre.

I kveld hadde vi det rett romantisk:) På veg heim frå svigerfamilien passerte eg ei familie som sel krabbeskjell, ferdig renska. Ferskt, delikat, og passe salta. Nydeleg smak! Så vi putta minstemor til sengs, og dekka på med kvitvin og loff. Det er ikkje ofte vi sit ute og et om kveldane...

I dag var det over 25 grader her, og det vart enda varmare inne. No er det heldigvis mogleg å få ned temperaturen om natta, og då er det godt å sove:)