mandag 3. januar 2011

Absolutt siste fri før arbeidsdagane tek til igjen:)

Det er utruleg deilig å ha ein ekstra feriedag etter at dei fleste har starta på jobb igjen:)
Det var planleggingsdag på skulane, og sidan eg har redusert stilling, skulle eg ikkje vere med på denne dagen. Heilt fint for meg. Eg burde ha teke bilete av dei 10 brøda eg laga, men det gjorde eg ikkje... Og eg tok heller ikkje bilete av den store bunken med bilete eg limte inn i fotoalbum, det hadde kanskje sett rart ut? Bilete av bilete, og alt det der.
Derimot tok eg bilete av vottane eg strikka i går. Oppskrifta er ca omtrent blånissevottar, henta frå Månetoppen-heftet. Garnet er ikkje heilt blått... Det vart for fristande å bruke Noro Kureyon som eg fekk i kalendergåve. Det er stilige fargar, og to heilt unike vottar:) Litt små til meg, eg strikka i størrelse 10-14 år. Så då er dei førebels plasserte i gåvekassa.
Eg har handla garn til ei jakke i dag. Den oppskrifta fann eg i boka Norsk strikk, der allslags gamle og nye oppskrifter er samla. Det er litt kjedeleg at ei så ny bok har så gamle oppskrifter at garnfargar er utgått... Denne jakka skal strikkast i Sisu og Kitten Mohair, og den eine fargen i Kitten fins ikkje lenger. Så då må ein gjere endringar utan å eigentleg ville det. Litt surt. Men eg trur jakka blir fin etterkvart;) Har ikkje fått starta enno, men snart, snart!!

Elles er det no på tide å brenne opp alle raude lys:) Det er så koseleg med jul, eg vil helst ha den her ei stund til. Men om nokre dagar går nok juletreet på hovudet ut verandadøra, og då blir resten med på kjøpet. Fram til det er det berre å nyte alt av lys og kos i fulle drag.
Ingen minimalisme her!
Nyt januardagane!

Posted by Picasa

4 kommentarer:

Sidselsidserk sa...

Hei - hos meg ble jula kastet på dør 2.nyttårsdag. Føltes som det ble frisk luft i huset ogjen:-)
Nyt fridagen og arbeidsstart likeså:-)

Greta sa...

Her er det ikkje mykje jul att. det meste av den er komen i kasser, heng til tørk elelr venter på å verte vaska. hehe.

Herlige votter i ein fin farge.

Er sikker på att jakka vert likså fin som oppskrifta. Fordelen er jo at det er ingen som har presis maken som din siden du forandrer på fargene. Det syns eg er så kjekt å velge egne farger og sammensettninger, berre strikkefastheten stemmer sånn noen lunde.
Ha ein fin dag i dag også.

Unknown sa...

hærlige votter i fine farger!

Knutine sa...

Tøffe votter;-))
Har akkurat blitt ferdige med et par votter selv som er strikket for store...men prøver å tove de en gang til så kanskje de blir brukbare.
Her er det fortsatt jul.Noen duker er vasket,juletreet drysser litt nåler og pynt...Til helga blir det ryddet!
Nå er det alenekos i heimen..

Ha en flott kveld-
Mvh Wenche