søndag 30. oktober 2011

Varmekjelder

Eg har strikka jamt i det siste, om ikkje i så store mengder... Men noko blir det jo! No har eg to halsar og ei lue å presentere:)
Lua er frå garnstudio, og du kan finne oppskrifta på Florence der. Eg brukte ikkje rett garn, for eg hadde alt strikka ein slags hals, og ville ha ei lue til. Dermed vart lua litt lita til meg, men så er det jo mange som har mindre hovud enn meg her i verda! Garnet er Drops Extra fine merino, og det gjekk ganske nøyaktig eit nøste til lua.

Under ser du halsane eg har strikka. Dei to er like, men blir ganske ulike i uttrykket når garnet er så ulikt.
Den blå er strikka i Sulka, eit deilig garn! Det brune er altså Extra fine merino, som lua. Eg ser at det er ganske stor fargeforskjell mellom dei ulike bileta, men det er altså eitt brunt og eitt blått eksemplar:)

Eg klarer ikkje å finne igjen kvar eg såg denne "halsen" eller sjalet, eller kva eg skal kalle det. Det er så enkelt at eg ikkje trengde å skrive ut eller lagre oppskrifta, og no har eg ikkje kontroll på opphavet lenger... Det er rett og slett ein firkant, starta med 3 masker, auke ei maske i starten av kvar omgong til du har ca 50 masker, og så felle i starten av kvar omgong. Hekle kant rundt om du vil:) Eg laga knapphol i heklekanten.

Desse er perfekte til kalde dagar med litt for utringa overdel! Kneppinga skal vere i nakken, men det kan ein sjølvsagt variere etter ynskje.

4 kommentarer:

Mona sa...

Lua var kjempelekker. Halsene også. :) God søndag.

Greta sa...

Stilig både lua og sjala/halsane. dei var enkle men supre. Må gjemme denne i tanklane til eg får tid. ha ei flott uke

trinemamma sa...

Flott lue, og halsene likeså :-)

siwi sa...

Så flotte luer i nydelige farger, fristet til prøvelse!