Sommarkveld

Sommarkveld ved eit stille vatn, med gode kollegaer og vener, grilling og søtmat, gode historier og litt godt i glaset. Latteren sit laust, vi er glade fordi det straks er sommarferie, og vi veit at vi overlevde dette skuleåret også. Kanskje litt drastisk, men jammen har det vore tøft til tider. På denne avslutninga var vi samde om at vi er veldig flinke:) Det er godt å vere samde om det!!
På biletet ser det ut som vi var svært få, men dette var berre eitt av mange bord. Vi var ca 20 personar samla, og vi kosa oss veldig!

Eg veit ikkje kva eg skal strikke. Så no har eg plukka med meg eit utval hefte frå butikken, og det var mange fristelsar her:)


Elles er det mange små vener innom dørene her for tida. Det er safe å sette fram frukt, då stilnar maset om godteri...


Heimelaga pizza er betre enn kjøpt. Og sjølvlaga pizza er betre enn mammalaga pizza...
Over ser du Prinsessa sin pizza, akkurat passe stor til henne. Og under er Gullungen sin pizza. Ho kjevla sjølv:) Sjarmerande trekanta, ikkje sant?