Ein fin tirsdag;)

Det er ikkje mange morgonar vi har sett sola i det siste. Det er heller ikkje ofte vi har sett sola i løpet av dagen... Til gjengjeld har vi sett meir enn nok regn. Kanskje er det difor eg vert så ivrig når eg ser dette om morgonen:Eg skal straks og med ein gong innrømme at det gjekk over. Regnet kom i dag også...

Men når det no er regn stort sett uansett når du ser ut, er det greitt å vere inne. Og då er det koselig å vere på kjøkenet, saman med ein eller fleire gode hjelparar. I dag hadde Prinsessa besøk av ei venninne, så då vart det til at Gullungen på 3 og mamma laga bollar og skulebollar.

Vi fekk god hjelp til å ete:)


Denne morgonkåpa fekk Gullungen av supertanta si i bursdagsgåve sist fredag. Det var full klaff! Tenk å ha morgonkåpe som ser ut som ein dalmatiner, kjøpt på Disney Store i London;) Eksklusivt, må vite! Ta med at den er mjuk og deilig, så er det vel ikkje så rart at Gullungen likar å pakke seg inn i den.