fredag 11. desember 2009

Nytt midt i desember


I går var det storsamling på ein av skulane i kommunen. Eg var der fordi eg skulle hjelpe ein ny elev med å forstå opplegget. Det er ikkje så lett å begripe kva som skjer når du har vore tre veker i Noreg og kjem frå Afganistan. Vi hadde ei fin stund, og eg trur han kosa seg også;) Det er dessuten ikkje så ille å vere publikum når alle elevane på skulen samlar seg på scena og syng julesongar. Rett og slett vakkert, både å sjå og høyre.


Nokre kreative kollegaer laga adventskalender for dei tilsette på skulen "min". Eg fekk den største pakken!

Gjett om eg vart overraska og imponert over å få ein sydvest! Kult, eller?



Elles har Hareid hatt eit lite prosjekt for å skaffe kommunale oljemidlar;)
Eller så var det berre ein oljerigg som trengte ei overhaling... Uansett vart det styr av denne riggen. Den er vakker å sjå på om kvelden, det er nesten som ei diger julegran rett utanfor hamna. Men dessverre ødela den fiberkabelen mellom Ålesund og Hareid. Dermed har det vore store vanskar med internettet for mange i lokalområdet. Selskapet som eig riggen skal visst betale for ny sjøkabel. Dyr "julegran"!

No er forresten opphaldet slutt, i dag dro dei sin veg:)

2 kommentarer:

Sylke sa...

Så kjekt å få en sydvest! Det trengs jo der oppe hos dere :)

Fiberkabelen som røk, er det mange som har fått merke - også vi her i Telemark... Data-teknologien er sårbar!!!

Mye fin natur hos dere! Mannen min har vokst opp i Ulsteinvik, så vi har vært i området en del ganger. Ha en fin helg!

amylin sa...

Nei, ikke så lett å forstå norske tradisjoner alltid. Fin kalendergave du fikk. Tenker den kommer til nytte!