Nokre glimt frå Tyrkia? Ver så god!

Vi har det framleis veldig flott:) Eg tenkte at eg kunne legge inn nokre bilete, slik at folk trur meg! Men eg tenkjer eg let bileta tale ein del for seg sjølv. Vi har vore på båttur, med ein båt for oss sjølve. Det var eg glad for då vi gjekk langs kaia etterpå. Der sat folk og venta i båtane, medan båtførarane ville ha fleire passasjerar før dei tok laust. Vi kosa oss, og kunne velge å gjere som vi ville. Då jentene ikkje hadde lyst til å bade i sjøen, var det berre å tøffe vidare. Og vi såg skilpadder! Store, flotte skilpadder:)




Vi kosar oss stort ved bassenget. Jentene nyt å vere i vatnet, og då er livet fint for alle;)



I dag gjekk eg rett på ein garnbutikk. Og det gjekk som det måtte gå. Eg berga nok dagsomsetninga til dama i butikken;) Ho ville gjerne at eg skulle bruke meir tid på å kike, for ho såg korleis det bar av garde... Eg plukka med meg 200 gram blåturkis bambusgarn, 300 gram kasjmir, 400 gram rosa blank bomull-viskose-blanding, og 100 gram morsomt garn med store pompongar i:) Og så litt knappar, og nokre søte små "englar" til jentepynt. Alt dette kosta meg 50 lire, eller 225 norske kroner.